كړي. ما عرض اوكړو: يَـا رَسُولَ الله صَلَّى اللهُ عَلَيْهِ وَاٰلِهٖ وَسَلَّم! آيا رياكاري شِرك دے؟ اوئې فرمائيل: آو (رياكاري شِرك دے). ما عرض اوكړو: يَـا رَسُولَ الله صَلَّى اللهُ عَلَيْهِ وَاٰلِهٖ وَسَلَّم! پټ خواهش څه شے دے؟ اوئې فرمائيل: هغه دا دے چې زما يو اُمَّتـي روژه اونيسي خو د  څه دُنياوي خواهش په وجه  روژه ماته كړي. ^[1] 

    په يو حديثِ پاك كښې دي: سركارِ مدينه صَلَّى اللهُ عَلَيْهِ وَاٰلِهٖ وَسَلَّم فرمائي: ما ته ستاسو په باره كښې د ټولو نه زيات د شِركِ اصغر ويره ده. عرض اوشو: يَـا رَسُولَ الله صَلَّى اللهُ عَلَيْهِ وَاٰلِهٖ وَسَلَّم! شِركِ اَصغر څه شے دے؟ اوئې فرمائيل: رياكاري. بيا ئې اوفرمائيل: په ورځ د قيامت چې كله خلقو ته د هغوئي د اعمالو بدله وركړے شي نو رياكارو ته به اووئيل شي چې: هغوئي له لاړ شئ چا ته به مو چې خپل اعمال ښودل...! ^[2]

رياكاري د دَجَّال د فتنےنه زياته خطرناكه ده  

    حضرت اَبُو سعيد خُدري رَضِیَ الله عَنْهُ فرمائي: يوه ورځ مونږه ناست وو د دَجَّال د فتنے مُتَعَلِّق خبرې مو كولې، په دې كښې خوږ آقا صَلَّى اللهُ عَلَيْهِ وَاٰلِهٖ وَسَلَّم تشريف راوړو، خوږ آقا صَلَّى اللهُ عَلَيْهِ وَاٰلِهٖ وَسَلَّم زمونږ خبرې واوريدلې نو اوئې فرمائيل: آيا زه تاسو ته د هغه څيز مُتَعَلِّق خبر درنه كړم د كوم نه چې ما ته د دَجَّال د فتنے نه هم زياته ويره ده؟ مونږه عرض اوكړو: يَـا رَسُولَ الله صَلَّى اللهُ عَلَيْهِ وَاٰلِهٖ وَسَلَّم! ولے نه (ضرور ارشاد اوفرمائے!)، نو خوږ آقا صَلَّى اللهُ عَلَيْهِ وَاٰلِهٖ وَسَلَّم اوفرمائيل: شِركِ خفـي (يعنې رياكاري، د دَجَّال د فتنے نه هم زياته خطرناكه ده).^[3]