کہ وہ بندہ 2 کام کرے :

نمبر1 :

فَلْیَعْمَلْ عَمَلًا صَالِحًا   (پارہ : 15 ، سورۂ کہف : 110)                                 

ترجمہ : اسے چاہئے کہ نیک کام کرے

اس میں کوئی شک نہیں کہ اللہ پاک رَحْمٰن ہے ، اللہ پاک رَحِیْم ہے ، اللہ پاک بخشنے والا ، بہت مہربان ہے مگر اللہ پاک کی رَحْمت پر اُمِّید کا بہانہ بنا کر گُنَاہوں پر دلیر ہو جانا ، نیکیوں سے دِل چُرانا رحمتِ  اِلٰہی پر اُمِّید نہیں بلکہ یہ ایمان کے تقاضے کی خِلاف ورزی ہے۔

عمل سے زِندگی بنتی ہے ، جنّت بھی جہنّم بھی       یہ خاکی اپنی فطرت میں نہ نُوری ہے نہ ناری ہے

انسان اپنی اَصْل میں نہ فرشتہ ہے ، نہ شیطان ، انسان کے اَعْمَال فیصلہ کرتے ہیں کہ یہ جنّت کا حق دار ہے یا جہنّم کا سزا وار ہے۔ اللہ پاک فرماتا ہے :

فَاَمَّا مَنْ ثَقُلَتْ مَوَازِیْنُهٗۙ(۶) فَهُوَ فِیْ عِیْشَةٍ رَّاضِیَةٍؕ(۷) وَ اَمَّا مَنْ خَفَّتْ مَوَازِیْنُهٗۙ(۸) فَاُمُّهٗ هَاوِیَةٌؕ(۹) وَ مَاۤ اَدْرٰىكَ مَاهِیَهْؕ(۱۰) نَارٌ حَامِیَةٌ۠(۱۱)  (پارہ30 ، سورۃالقارعۃ : 6-11)                          

ترجمہ : تو بہرحال جس کے ترازو بھاری ہوں گے۔ وہ تو پسندیدہ زندگی میں ہو گا۔ اور بہرحال جس کے ترازو ہلکے پڑیں گے۔ تو اس کا ٹھکانہ ہاویہ ہو گا۔ اور تجھے کیا معلوم کہ وہ کیا ہے؟ایک شعلے مارتی آگ ہے۔

عیش و عشرت کے لئے انساں نہیں        یاد رکھ تُو بندہ ہے مہماں نہیں

غفلت و سستی تجھے شایاں نہیں              بندگی کر تُو اگر ناداں نہیں

ایک دِن مرنا ہے آخر موت ہے            کر لے جو کرنا ہے آخر موت ہے

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد