دھمکیاں دیتا اورکہتا یہاں سے چلے جاؤ ، میں اُس کو زور دار طمانچہ ماردیتا تو وہ بھاگنے لگتا ، پھر میں لَاحَوْلَ وَلَا قُوَّۃَ اِلَّابِاللّٰہِ الْعَلِیِّ الْعَظِیْم پڑھتا تو وہ جل جاتا۔ (بَہْجَۃ الاسرارومعد ن الانوار ، ص١٦٥)

صَلُّوا عَلَی الْحَبیب!                             صَلَّی اللہُ  عَلٰی مُحَمَّد

لاحول شریف کی برکت

معلوم ہوا کہ “ لَا حَوْلَ وَلَا قُوَّۃَ اِلَّا بِاللہِ الْعَلِیِّ الْعَظِیْمِ “ پڑھنا شیطان کو بھگانے کا بہترین نُسخہ ہے ، اس لئے جب شیطانی وساوس بندے کو گھیر لیں تو اسےچاہئے کہ فوراً “ لَا حَوْلَ وَلَا قُوَّۃَ اِلَّا بِاللہِ الْعَلِیِّ الْعَظِیْمِ “ پڑھے ، اِنْ شَآءَ اللہ شیطان لعین کا منہ کالا ہوگا ۔ مُفَسّرِشہیر حکیمُ الْاُمَّت حضر تِ مفتی احمد یار خان رَحْمَۃُ  اللہِ عَلَیْہِ  لکھتے ہیں : صُوفیائے کرام رَحِمَہُمُ اللہُ السَّلَام فرماتے ہیں کہ جوکوئی صبح و شام اِکّیس (21) بار لاحول شریف (یعنی لَاحَوْلَ وَلَا قُوَّۃَ اِلاَّ بِاللہِ الْعَلِیِّ الْعَظِیْم) پانی پر دم کر کے پی لیاکرے تو اِنْ شَآءَ اللہ وَسوسۂ شیطانی سے اَمن میں رہے گا۔     (مِرآۃالمناجیح ، 1 / 87)

صَلُّوا عَلَی الْحَبیب!                             صَلَّی اللہُ  عَلٰی مُحَمَّد

غوث ِ اعظم رَحْمَۃُ  اللہِ عَلَیْہِ   کا خوف ِ خُدا

پیارے پیارے اسلامی بھائیو! اللہ والوں  کا ہمیشہ سے یہ وطیرہ رہا ہے کہ ڈھیروں نیکیاں کرنے اور گناہوں سے بچنے کے باوجود وہ  بے پناہ خوفِ خدا اور خشیتِ الٰہی رکھتے ہیں ۔ سرکارِ بغداد حضور غوثِ پاک رَحْمَۃُ اللّٰہ ِ عَلَیْہ بھی بے پناہ خوفِ خدا رکھتے تھے  چنانچہ حضرت شیخ شَرْفُ الدِّین سَعْدِی شیرازی رَحْمَۃُ اللّٰہ ِ عَلَیْہ فرماتے ہیں کہ حضرت شیخ عبدُالقادِر جیلانی رَحْمَۃُ اللّٰہ ِ عَلَیْہ کو حَرَمِ کعبہ میں دیکھا گیاکہ کنکریوں پرسر رکھے بارگاہِ ربُّ العزّت  میں عرض گزار ہیں : “ اے خُداوندِ کریم!مجھے بخش دے اور اگرمیں سزاکاحَقْدار ہوں تو بروزِ قِیامت مجھے اَندھا اُٹھانا تاکہ نیکوکار لوگوں کے سامنے شرمندہ نہ ہوں ۔ “ (گُلِسْتَانِ سَعْدِی ، ص۵۴ انتشارات عالمگیر ایران )