خوږو او محترمو اسلامي ورونړو! حُضُورِ غوثِ پاك رَحْمَةُ اللهِ عَلَيْه 91 كاله ظاهري ژوند په دې دُنيا كښې اوسيدلو، علمائے كرامو د غوثِ پاك رَحْمَةُ اللهِ عَلَيْه 91 كاله مبارك ژوند په دريو حِصّو كښې تقسيم كړے دے:

     (1) وړومبئ حِصَّه: د حُضُورِ غوثِ پاك رَحْمَةُ اللهِ عَلَيْه د پيدائش نه واخله تر 18 كالو پورې، په دې موده كښې هغوئي په خپل آبائي وطن جيلان كښې اوسيدلو، دلته هغوئي ابتدائي تعليم حاصل كړو. (2) دويمه حِصَّه: د 18 كالو نه واخله تر 51 كاله پورې، دا ټول 33 كاله جوړيږي، په دې موده كښې حُضُورِ غوثِ پاك رَحْمَةُ اللهِ عَلَيْه په بَغداد كښې اوسيدلو او دلته ئې علمِ دِين حاصلولو، په دې دوران كښې هغوئي ډيرې مجاهدے [يعنې د نفس پاك كولو د پاره چيلے] هم اوكړې، هغوئي به ځنګلونو ته تشريف وړلو، په يواځې ځائے كښې به ئې د الله پاك عبادت كولو او په ذِكر و فِكر كښې به مَصروف اوسيدلو، (3) دريمه حِصَّه: د 51 كالو نه تر 91 كاله پورې دا ټول 40 كاله دي. په دې موده كښې حُضُورِ غوثِ پاك رَحْمَةُ اللهِ عَلَيْه باقاعده د درس و بيان سلسله شروع كړه، د نيكئ دعوت ئې عام كړو، د علمِ دِين رنړا ئې خوره كړه، د هدايت شمعې ئې روښانه كړې، خلقو ته ئې د دِينِ حق لاره اوښودله، سُنتونه ئې عام كړل او په زرګاؤ بےلارې خلق ئې د نيغې لارې مُسافِر جوړ كړل.

            د كمال خبره دا ده چې د حُضُورِ غوثِ پاك رَحْمَةُ اللهِ عَلَيْه د ژوند مبارك د دې درې واړو مرحلو شروع د غيبي اشارو او زِيرو نه شوي وه. چنانچه  

د پيدائش په شپه زيرے

     په كومه شپه چې غوثِ پاك رَحْمَةُ اللهِ عَلَيْه پيدا شو، په هغه شپه د هغوئي والدِ محترم حضرت ابُو صالح موسٰى جنګي دوست رَحْمَةُ اللهِ عَلَيْه ته په خوب كښې د خوږ نبـي صَلَّى اللهُ عَلَيْهِ وَاٰلِهٖ وَسَلَّم ديدار نصيب شو، خوږ نبـي صَلَّى اللهُ عَلَيْهِ وَاٰلِهٖ وَسَلَّم ورته د ځوئ مباركي وركړه او دا