وركوي * د حُضُورِ غوثِ پاك رَحْمَةُ اللهِ عَلَيْه نوم مبارك: عبدُ القادر او كُنيت: اَبُو محمد دے * مُحْـىُ الدِّين (يعنې دين ژوندے كوونكے) او غَوثُ الثَّقَلَيْن (يعنې د پيريانو او انسانانو غوث يعني مددګار) د هغوئي مشهور القاب دي. * غوثِ پاك رَحْمَةُ اللهِ عَلَيْه په 470 هجرئ كښې په جيلان كښې پيدا شو * هغوئي 91 كاله په دُنيا كښې ژوند تير كړو * 561 هجرئ كښې وفات شولو * حُضُورِ غوثِ پاك رَحْمَةُ اللهِ عَلَيْه د اولياؤ ولي دے، د پيرانو پير، سُلطانُ الاولياء دے * څنګه چې د هغوئي په ولايت كښې اوچته درجه ده * دغه شان په عِلم كښې هم د اوچت مقام مالِك دے * هغوئي په خپله زمانه كښې د ټولو نه غټ مُفتـي وو* باقاعده فتوے به ئې هم ليكلې * او په مدرسه كښې به ئې هم درس وركولو.

     راځئ چې د حُضُورِ غوثِ پاك رَحْمَةُ اللهِ عَلَيْه ډير زيات سبق آموز نصيحتونه واورو:

(نصيحت:1) په هر مسلمان باندې درې كارونه لازم دي

     د حُضُورِ غوثِ پاك، شيخ عبدُالقادر جيلاني رَحْمَةُ اللهِ عَلَيْه يو كتاب فُتُوحُ الْغَيب دے. په دې كتاب كښې حُضُورِ غوثِ پاك رَحْمَةُ اللهِ عَلَيْه نصيحت كوي، فرمائي چې: په هر مسلمان باندې په هر حال كښې (يعنې شپه، ورځ، يخنئ، ګرمئ، خوشحالئ، غم، مصروفيت، فراغت، غرض چې تر څو پورې ئې په بدن كښې روح وي، عقل ئې سلامت وي، ساه پكښې وي تر هٰغه وخته پورې په هر مسلمان باندې) درې خبرې لازم دي: (1) اَمْرٌ  یَمْتَثِلُہٗ د شريعت حكم  چې په هغې باندې عمل اوكړي، (2) نَہْیٌ یَجْتَنِبُہٗ د شريعت منع كړے شوي خبرې چې د هغې نه ځان بچ اوساتي (3) قَدْر یَرْضٰی بِہٖ تقدير چې په هغې باندې هميشه راضي اوسي.

     حُضُورِ غوثِ پاك رَحْمَةُ اللهِ عَلَيْه نور فرمائي: * د مسلمان ادنٰى حالت دا دے چې د