ولے؟ ځكه چې هم دا خلق په حقه لاره باندې روان دي، هم دا خلق د جَنَّت په لاره روان دي، هم دا خلق د الله پاك په لاره روان دي، هم دا خلق په صراطِ مُستقيم (يعنې نيغه لاره) باندې روان دي،

     چې كله مونږه دې پاكيزه سيرتونو نه رنړا حاصله كړو، د هغوئي فرامين اولولو، ځان پرې پوهه كړو، او عمل پرې اوكړو نو د هغوئي په بركت به مونږه هم د نيغې لارې مُسافِر جوړ شو او اِنْ شآءَ اللهُ الْكَرِيْم! د هغوئي په نقشِ سيرت باندې به روان شو او آخر كار جَنَّت ته به اورسو.

    اے عاشِقانِ رسول! اَلْـحَـمْـدُ لِلّٰـہ! د رَبِيْعُ الْآخِر مياشت شروع شوي ده، په دې مباركه مياشت كښې د يولسمې ځوان، پيرانِ پير، غَوثِ اعظم، حضرت شيخ عبدُ القادر جيلاني رَحْمَةُ اللهِ عَلَيْه لويه يولسمه مناوهلے كيږي. يقيناً شهَنشاهِ بَغداد، حُضُورِ غَوثِ پاك رَحْمَةُ اللهِ عَلَيْه هم الله پاك طرف ته رجوع كوونكے، نيك اعمال كوونكے، د الله پاك او د هغه د حبيب صَلَّى اللهُ عَلَيْهِ وَاٰلِهٖ وَسَلَّم مكمل فرمانبرداري كوونكے دے. اوس چې كوم آيتِ كريمه مونږه واوريدلو، په دې آيت كښې وركړي شوي حكم باندې د عمل كولو په نِيَّت به نن مونږه د سركارِ غَوثِ پاك رَحْمَةُ اللهِ عَلَيْه د پاك سيرت يو څو واقعات او د هغوئي يو څو نصيحتونه د اوريدلو سعادت حاصلوو. الله پاك دِ مونږ ته غوثِ پاك رَحْمَةُ اللهِ عَلَيْه سره د محبت ساتلو، د هغوئي د سيرت نه د رنړا حاصلولو او د هغوئي په تعليماتو باندې د عمل كولو توفيق راعطا كړي.  اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم 

د غوثِ پاك رَحْمَةُ اللهِ عَلَيْه مُختصر تَعارُف

   حُضُورِ غوثِ پاك رَحْمَةُ اللهِ عَلَيْه مشهور و معروف هستي ده، د عاشقانِ رسول يو شمير داسې هم دے كوم چې خپل اولاد ته د غوثِ پاك رَحْمَةُ اللهِ عَلَيْه محبت په وړوكوالي كښې