ټولو ته د عمل كولو توفيق را عطا كړې. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم

(نصيحت: 3) ژوند غنيمت اوګنړئ....!

    لسم شَوالُ المُكَرَّم 545 هجري، د اتوار ورځ وه، د سحر په وخت حُضُورِ غوثِ پاك رَحْمَةُ اللهِ عَلَيْه په خپله مدرسه كښې بيان اوكړو او د بيان شروع ئې د يو حديثِ پاك نه اوكړه، اوئې فرمائيل:

     د الله پاك د آخري نبـي صَلَّى اللهُ عَلَيْهِ وَاٰلِهٖ وَسَلَّم فرمان مبارك دے: مَنْ فُتِحَ لَہٗ بَابٌ مِّنْ خَیْرٍ فَلْیَنْتَہِزْہُ فَاِنَّہٗ لَا یَدْرِیْ مَتیٰ یُغْلَقُ عَلَیْہِ د چا د پاره چې د خير دروازه بيرته كړے شي نو هغه له پكار دي چې فوراً د خير په دغه دروازه کښې داخل شي ځكه چې هغه ته معلومه نه ده چې دا دروازه به د هغه د پاره كله بنده کړے شي.^[1]

     د دې حديثِ پاك بيانولو نه پس حُضُورِ غوثِ پاك، شيخ عبدُالقادر جيلاني رَحْمَةُ اللهِ عَلَيْه اوفرمائيل: اے خلقو....! ور منډې کړئ...! تر څو پورې چې د ژوند دروازه بيرته ده، خپلې ساګانې غنيمت اوګنړئ! عنقريب دا دروازه به بنده كړے شي. تر څو پورې چې په تاسو كښې طاقت و هِمَّت دے، نيك اعمال غنيمت اوګنړئ! تر څو پورې چې د توبے دروازه بيرته ده، دا غنيمت اوګنړئ! د دُعا دروازه بيرته ده، دُعا غوښتل غنيمت اوګنړئ! د نيكو خلقو په صحبت كښې د كښيناستلو دروازه بيرته ده، دا غنيمت اوګنړئ!

      اے خلقو! تاسو چې كوم نقصان كړے دے، هغه پوره كړئ! كوم (د ګناهونو ناپاكي) مو چې په لمَن لګيدلي ده، هغه اُووِينځئ! كومې بدئ مو چې كړي دي، هغه سمې كړئ...! په زړه مو چې کوم د ګناهونو تور والے پروت دے، هغه پاك كړئ! كوم