* په هغوئي كښې 400 هغه علمائے كرام هُم وو چې باقاعده كاغذ او قلم به ئې ځان سره راوړل او د غوثِ پاك رَحْمَةُ اللهِ عَلَيْه فراِمين او ارشادات به ئې ليكل.^[1] * شيخ عُمر كيماني رَحْمَةُ اللهِ عَلَيْه فرمائي: كله داسې نه دي شوي چې غوثِ پاك رَحْمَةُ اللهِ عَلَيْه بيان كړے وي او په محفل كښې يو كس هم توبه نه وي كړي. د هغوئي د بيان په اوريدلو به د يو نه يو كس توبه كوله او غير مسلمو به كلمه لوستله او مسلمانيدل به.^[2]

عيسائي پادري اسلام قبول كړو

     يو ځل سِنان نومي يو عيسائي پادري د حُضُورِ غوثِ پاك، شيخ عبدُالقادر جيلاني رَحْمَةُ اللهِ عَلَيْه په محفل كښې حاضر شو، د غوثِ پاك رَحْمَةُ اللهِ عَلَيْه د بيان نه پس هغه په اجتماع كښې پاڅيدلو، او اوئې وئيل: زه د يَمَن اوسيدونكے يم، زما په زړه كښې د حق نُور پيدا شو او ما د اسلام قبلولو اراده اوکړه، ما غوښتله چې د يمن د افضل او اعلٰى كس په لاس اسلام قبول كړم. په دې سوچ كښې ووم چې ماله خوب راغے، ما ته په خوب كښې د الله پاك د نبـي حضرت عيسٰى عَلَيْهِ السَّلام ديدار نصيب شو، حضرت عيسٰى عَلَيْهِ السَّلام اوفرمائيل: اے سِنان! بغداد ته لاړ شه...! او د شيخ عبدُالقادر جيلاني (رَحْمَةُ اللهِ عَلَيْه) په لاس اسلام قبول كړه، دې دَور کښې په دې زمكه باندې هغوئي د ټولو خلقو نه افضل و اعلٰى دي. بيا هغه كلمه اولوستله او اسلام ئې قبول كړو.^[3]

صَـــلُّـــوْا  عَـــلَـی   الْــحَـــبِــيْــب!                                                                           صَـلَّـی اللهُ   تَعالٰـی عَلـٰی   مُـحَـمَّد

    اے عاشِقانِ اولياء! تاسو اوليدل! چې د حُضُورِ غوثِ پاك رَحْمَةُ اللهِ عَلَيْه بيانونو به څنګه