Book Name:Deeni Talib-e-'Ilm Par Kharch Kijiye
مَدَني ګل: نيك او جائز كار كښے چه څومره ښه نِيَّتونه زيات وي هغه همره به ثواب هُم زيات كيږي.
* ښو ښو نِيَّتونو سره د شروع نه تر آخرے پورے بيان واورئ * پوره تَوجُّه سره د بيان اوريدلو نِيَّت اوكړئ * كه قلم او ډائري لرئ نو د اَهَمو نكاتو نوټ كولو نِيَّت هُم اوكړئ.
صَـلُّـوْا عَلَـی الْحَبِیْب! صَلَّی اللّٰـہُ عَلٰـی مُـحَـمَّـد
خوږو او مُحترمو اسلامي ورونړو! نن زمونږ د اجتماع د بیان موضوع ده ”په ديني طَلَبه باندے مال خرچ كول“. په دے بيان كښے به مونږه د صحابۀ كرامو عَـلَيْهِمُ الرِّضْوَان او نورو بُزرګانو داسے واقعات اورو چه هغوئي د دِينِ اسلام د سربُلندئ د پاره د خپل وخت وركولو سره سره خپل مال هُم خرچ كړے وو. د نن صبا دَور كښے مونږه د دِيني طَلَبه څنګه خدمت كولے شو؟ په دے باره كښے به هُم څه مَدَنـي ګُلونه اورو. ټول بيان پوره تَوجُّه سره د اوريدلو نِيَّت اوكړئ.
د عِلمِ دِين په طلبګارو باندے ئے مال خرچ كړو
حُضُور نبـىِّ كريم رَءُوْفٌ رَّحِيْم صَلَّى اللهُ عَلَيْهِ وَاٰلِهٖ وَسَلَّم د یو سفر نه واپسئ كښے د خاتُونِ جَنَّت حضرتِ سَيِّدَتُنا فاطمه رَضِیَ اللهُ عَنْهَا كره تشريف يوړلو خو د كور په دروازه باندے ئے يوه پرده اوليدله او د خپلے ګرانے لُور په لاسو كښے ئے د سپينو زرو دوه كړے اوليدلے نو