ته راځه، كه دا دِرهَم ختم شو نو بيا به نور بندوبست اوكړو، بس د هغے نه پس بيا ما باقاعِدګئ سره د درس په حلقه كښے حاضريدل شروع كړل.

     څه ورځے پس ئے راله يوه بله تيلئ راكړه، دغسے به هغوئي رَحْمَةُ اللهِ عَلَيْه څه ورځے پس زما اِمداد كولو او هيڅ چا ته د دے عِلم نه وو، يوه خاص خبره دا وه چه اِمامِ اعظم رَحْمَةُ اللهِ عَلَيْه خو به ما ته مسلسل رقم راكولو خو زما نه ئے كله دا تپوس نه دے كړے چه چرته ئے خرچ كوے؟ او بله دا چه هغوئي به پخپله محسوسوله چه رقم ختميدو والا دے نو ما له به ئے نور رقم راكړلو. نو دغسے ما سبق هُم وئيلو او زما د كور ګُزاره هُم روانه وه. بيا يو وخت راغے چه زما مالي حالت ښه شو.

      زه مسلسل د حضرت اِمامِ اعظم رَحْمَةُ اللهِ عَلَيْه درس ته حاضريدلم او عِلمي استِفاده مے كوله، او بيا يو وخت راغے چه يو طرف ته اِمامِ اعظم رَحْمَةُ اللهِ عَلَيْه دُنيوي طور هُم په مال زما حالت ښه كړو او بل طرف ته ئے په عِلم و فضل كښے مُـمتاز كړم او ما ته د عِلم دروازے بيرته شوے. (مناقب امام اعظم ،جز ثانی ،ص۲۱۱)

      خوږو او مُحترمو اسلامي ورونړو! كيدے شي چه د چا دا خيال وي چه حضرت اِمامِ اعظم رَحْمَةُ اللهِ عَلَيْه به د قاضي اِمام اَبُو يُوسُف رَحْمَةُ اللهِ عَلَيْه يو څو مياشتے كفالت [يعني مالي اِمداد] كړے وي، داسے دوه درے كاله هُم نه بلكه اِمام اَبُو يُوسُف رَحْمَةُ اللهِ عَلَيْه فرمائي چه حضرت اِمامِ اعظم رَحْمَةُ اللهِ عَلَيْه د لسو كالو پورے زما او زما د كور د كسانو خرچ برداشت كړو.  (مناقب امام اعظم ،جز اول  ،ص۲۵۹ ملخصا)

      په يو بل روايت كښے راځي چه حضرت اِمامِ اعظم رَحْمَةُ اللهِ عَلَيْه به چه كله هُم د خپل ځان د پاره يا د خپل كور د كسانو د پاره كپړے يا څه د خوراك څيز اخستلو نو په هُم هغه