حضرت عبداللہ کے ہاں بیٹا پیدا ہو گا ، مَشْرِق  و مَغْرِب  والے اس کی پیروی کریں گے۔ ^([1])

نبی کے صدقے میں کیا کیا عنایتیں نہ ہوئیں           ہو چشمِ عدل تو شاہِد ہیں پیارے عبداللہ

یعنی والدِ مصطفےٰ حضرت عبداللہ رَضِیَ اللّٰہُ  عَنْہ پراللہ پاک نے اپنے نبی کے صدقے میں بہت سی عنائتیں کیں اگر انصاف کی عینک سے دیکھا جائے تو ان عنایتوں پر حضرتِ  عبداللہ  کی ذات گواہ ہے ۔

پیارے اسلامی بھائیووالدِ مصطفےٰ حضرت عبداللہ رَضِیَ اللّٰہُ  عَنْہ بِلاشبہ طیّب و طاہر اور بنو ہاشم کے نیک سیرت اور خوبصورت ترین نوجوان تھے ۔ ظاہری حُسن و جمال اور باطنی خوبیاں  اور اخلاق میں خاندانِ قریش کیا بلکہ پوری وادئ بطحا یعنی مکۂ  مکرمہ  میں کوئی ان کا ثانی نہ تھا ۔ اعلیٰ اخلاق کی سراپا تصویر تھے۔ اور کیوں نہ ہوتے کہ یہ ایک ایسی ہستی کے والد بننے والے تھے جن کے  لیے یہ بزمِ کائنات سجائی گئی ، جن کے ذریعے دنیا کو علم ودانش سے روشن کرنا تھا ۔ وہ جو انسانیت کی عزت و وقار ، احترام  اور دونوں جہاں کی خوشی اور کامیابی کا پیغام لے کر دُنیا میں تشریف لانے والے تھے ۔

والدِ مصطفےٰ کی شان دیکھیئے!کہ انہیں وہ حُسن و جمال دیا گیا جو قریش کے دیگر لوگوں میں نہیں تھا ، والدِ مصطفےٰ کی شان دیکھیئے! کہ  نیک  اوصاف میں  ان کا ثانی کوئی نہیں تھا ، والدِ مصطفےٰ کی شان دیکھیئے! کہ آپ سےدو نور نکلتے ایک مشرِ ق اور دوسرا مغرب کو ڈھانپ لیتا ، والدِ مصطفےٰ کی شان دیکھیئے! کہ آپ جس سوکھے درخت کے نیچے بیٹھتے تو وہ ہرابھرا ہوجاتا اور آپ کے لئے جھک جاتا ، والدِ مصطفےٰ کی شان دیکھیئے! کہ آپ لات و عزی بتوں کے پاس