حكومت كوي، بيا به د دوئي سلسله ختمه شي. د كِسرٰى خوب د هغه د بادشاهئ د ختميدو نښه ده، د دې د اسلام او د اسلام والؤ د مملكت جوړيدو او د دې په ښارونو كښې د عربو د داخليدو علامت دے. (مولد رسول اللہ و رضاعہ لابن کثیر،  ص۲۲ملخصاً)

د آمدِ مُصطفٰى مختَلِف ادوار

     خوږو او محترمو اسلامي ورونړو! څنګه چې د لمَر راختلو نه مخكښې ستوري پټ شي، د سحر سپين والے په ختميدو شي او بيا د مشرق نه لږ سُور والے راښكاره شي، او د هغې نه فوراً  پس لمَر را اُوخيژي او په ټوله دُنيا كښې خپله رنړا خوره کړي، په اصل كښې د ستورو پټيدل، د سحر سپين والے ختميدل او د دې نه پس سُور والے راتلل د دې خبرې نښه ده چې لمَر راختو والا دے، دغه شان چې كله د خوږ آقا، آفتابِ رِسالت، ماهتابِ نَبُوَّت  صَلَّى اللهُ عَلَيْهِ وَاٰلِهٖ وَسَلَّم  د تشريف راوړلو وخت نزدے راغے نو په دُنيا كښې داسې عجيبه عجيبه واقعات ښكاره شو چې هغه واقعاتو دا خبر وركولو چې اوس د كفر تِيارے او د بے وَسئ ورځې ختميدو والا دي، او د هغه واقعاتو نه دا اندازه لګيدله چې د ظُلم و سِتَم دور ختميدو والا دے او دا معلوميدله چې اوس د غريبانو بدې ورځې ختميدو والا دي ځکه چې د بے وسو او بے کسو آسرا جوړيدونکے او هغوئي ته د ظُلم و سِتم  نه نجات وركوونكے مكِّـى مَدَنـى مصطفٰى   صَلَّى اللهُ عَلَيْهِ وَاٰلِهٖ وَسَلَّم  تشريف راوړ والا دے. په مختلِفو طريقو سره د خوږ آقا  صَلَّى اللهُ عَلَيْهِ وَاٰلِهٖ وَسَلَّم  د راتلو خبرونه او نښې دې دُنيا ته اوښودلے شوے، په بعضو كښې بالكل واضحه نښې ښکاريدلې او په بعضو كښې دا اِشارے ملاويدلې چې د الله پاک آخري نبي مُحَمَّد عَـرَبِـی  صَلَّى اللهُ عَلَيْهِ وَاٰلِهٖ وَسَلَّم  تشريف راوړو والا دے. الغرض د وِلادت باسعادت پورې د زيرو او خوشخبرو دا سلسله دغه شان جاري وه.

د سرکار آمد             مرحبا     د نامدار آمد       مرحبا     د نُور آمد                مرحبا

د سردار  آمد            مرحبا     د ښکلي  آمد      مرحبا     د مکّی آمد               مرحبا

د مُختار آمد             مرحبا     د مدني جانان آمد   مرحبا     د مدنی آمد               مرحبا

د صادِق آمد             مرحبا     د يٰسٓ آمد          مرحبا     د رحیم                   مرحبا

د مُزَّمِّل آمد              مرحبا     د مُدَّثِّر آمد         مرحبا     د طٰہٰ آمد                 مرحبا

مرحبا یا مصطفی                 مرحبا یا مصطفی                 مرحبا یا مصطفی