Book Name:Aqal Mand Mubaligh
فرمانِ مصطفےٰ صَلَّی اللہُ عَلَیْہِ وَاٰلِہٖ وَسَلَّم : اَلنِّيَّةُ الْحَسَنَةُ تُدْخِلُ صَاحِبَهَا الْجَنَّةَ اچھی نیت بندے کو جنّت میں داخِل کر دیتی ہے۔ ([1]) اے عاشقانِ رسول ! ہر کام سے پہلے اچھی اچھی نیتیں کرنے کی عادَت بنائیے ، بیان سننے سے پہلے بھی اچھی اچھی نیتیں کر لیجئے! مثلاًنیت کیجئے!
* عِلْمِ دین سیکھنے کے لئے بیان سُنوں گا * پورا بیان سنوں گا * خوب توجہ سے سُنوں گا * جو سُنوں گا ، اس پر عمل کی کوشش بھی کروں گا * عِلْمِ دین سیکھ کر ، دوسروں تک پہنچا کر نیکی کی دعوت عام کرنے کا ثواب کماؤں گا۔
اچّھی اچّھی نیّتوں کا ہو خدا جذبہ عطا بندۂ مُخلِص بنا ، کر عَفْو میری ہر خطا
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
پیارے اسلامی بھائیو! آج یومِ دعوتِ اسلامی ہے۔ الحمد للہ!ستمبر 1981عیسوی کو عاشِقَانِ رسول کی دینی تحریک دعوتِ اسلامی کا آغاز ہوا اَور دیکھتے ہی دیکھتے 40 سال کے مختصر عرصے میں اس عَظِیْمُ الشَّان دینی تحریک نے دُنیا بھر میں نیکی کی دعوت کی دُھومیں مچا دیں۔
اللہ کی نعمت ہے یہ دعوتِ اسلامی آقا کی عنایت ہے ، یہ دعوتِ اسلامی
فیضانِ رضا ہے اور یہ غوث کا فیضاں ہے خواجہ کی حمایت ہے ، یہ دعوتِ اسلامی
عُشَّاقِ محمد کی ٹھنڈک ہے یہ آنکھوں کی ہر دِل میں سِرَایَت ہے ، یہ دعوتِ اسلامی
اے عاشقانِ رسول ! نیکی کی دعوت دِیْن کا اہم ترین فریضہ ہے ، ہم نیکی کی دعوت کیسے دیں؟ قرآنِ کریم کی اس بارے میں تعلیمات کیا ہیں؟ اور بانئ دعوتِ اسلامی شیخِ طریقت امیر ِاہلسنت حضرت علامہ مولانا ابوبلال محمد الیاس عطار قادری رضوی ضیائی دَامَتْ