Asmay Madina Munawara

Al Quran Books Madani Channel

Magazine Courses Media

اے عاشقانِ رسول ! مدینۂ پاک کے یہ تینوں نام (طَابَہ ، طَیْبَہ اور طَیِّبَہ) “ طِیْبٌ “ سے نکلے ہیں ، طِيْبٌ کا لفظی معنی ہوتا ہے : لذَّت بخش ، جو چیز ظاہری حَوَّاس (آنکھ ، ناک ، کان وغیرہ) کو اور دِل کو لذّت بخشے اسے عربی میں “ طِیْبٌ “ کہا جاتا ہے ، لہٰذا مدینۂ پاک کے ان تینوں ناموں (طَابَہ ، طَیْبَہ اور طَیِّبہ) کا مطلب بنے گا : لذّت بخش شہر ، خوشبو دار شہر ، وہ مبارک شہر جسے دیکھ کر آنکھوں کو لذّت ملے ، وہ مقدس شہر جس کی فضاؤں میں سانسیں مہک جائیں ، وہ عزّت والا شہر جس کی ہواؤں کی مہک سے مشامِ جاں مُعَطَّر ہو جائیں اور وہ مبارک شہر کہ جہاں پہنچ کر دِل کو سکون ملے ، غم بھول جائیں ، دُکھی دِل کو چین آجائے۔ امام اہلسنت اعلیٰ حضرت کے بھائی جان ، مولانا حَسَن رضا خان رَحمۃُ اللہِ عَلَیْہ فرماتے ہیں :

مِٹَیں سب ظاہِر و باطِن کے امراض مدینہ کی ہے یہ آب و ہَوا خوش

نہیں جاتِیْں کبھی دَشْتِ نبی سے کچھ ایسی ہے بہاروں کو فضا خوش

مدینہ کی اگر سَرحد نظر آئے دلِ ناشاد ہو بے انتہا خوش^{(^[1])}

مدینہ پاک کو طابَہ ، طَیْبَہ اور طَیِّبَہ کیوں کہتے ہیں

پیارے اسلامی بھائیو! مدینۂ پاک کو “ طابَہ ، طَیْبَہ اور طَیّبَہ “ کیوں کہا جاتا ہے ، اس کی وضاحت کرتے ہوئے حضرت شیخ عبد الحق محدِّث دہلوی رَحمۃُ اللہِ عَلَیْہ فرماتے ہیں : مدینۂ پاک پاکیزہ شہر ہے ، اس وجہ سے اسے طَابَہ ، طَیْبَہ اور طَیِّبَہ کہا جاتا ہے ، پھر اس کی پاکیزگی کئی اعتبار سے ہے ، مثلاً مدینۂ پاک کی پاکیزہ زمین کفر و شرک کی نجاست سے پاک ہے ، مدینۂ پاک کی پاکیزہ زمین ، اس کی پاکیزہ آب و ہوا ، اس کی خوشبودار مہکی مہکی فضائیں طبیعت کے

[1]...ذوقِ نعت ، صفحہ : 139-140۔

Important

Mobile Apps

Contact Us