Fazail-e-Makkah & Hajj

Al Quran Books Madani Channel

Magazine Courses Media

مکی مَدَنی مصطفےٰ صَلَّی اللہُ عَلَیْہِ وَاٰلِہٖ وَسَلَّم کی شان و عظمت بیان کریں تو اس انداز میں بیان کی جائے کہ دیگر انبیاء عَلَیْہِمُ السَّلَام کی شان میں بے ادبی نہ ہونے پائے ، جب ہم صحابۂ کرام عَلَیْہِمُ الرِّضْوَان کی شان بیان کریں تو اس انداز سے بیان کریں کہ اَہْلِ بیت کرام عَلَیْہِمُ الرِّضْوَان کی شان و عظمت میں بےادبی نہ ہو اور جب ہم اَہْلِ بیتِ کرام عَلَیْہِمُ الرِّضْوَان کی شان و عظمت کا بیان کریں تو وہ بھی اس انداز میں ، ایسے ادب کے ساتھ بیان کیا جائے کہ صحابۂ کرام عَلَیْہِمُ الرِّضْوَان کی شان و عظمت میں کوئی بےادبی نہ ہونے پائے۔

ہم کو اللہ اَوْر نبی سے پیار ہے اِنْ شَآءَ اللہ! اپنا بیڑا پار ہے

اُمَّہاتُ المؤمنین و چار یار سب صَحابہ سے ہمیں تو پیار ہے

غوث و خواجہ داتا اور احمد رضا سے بھی اور ہر اِک ولی سے پیار ہے^{(^[1])}

اِنْ شَآءَ اللہ! اپنا بیڑا پار ہے

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

کعبہ شریف کی شانِ اَوَّلِیَّت اور اس کے دلائل

اے عاشقانِ رسول ! ابھی ہم نے پارہ 4 ، سورۂ آلِ عمران کی آیت : 96 اور 97 سننے کی سَعَادت حاصِل کی ، ان آیاتِ کریمہ میں اللہ پاک نے کعبۃُ اللہ شریف کی 6 صِفَات ذِکْر فرمائیں ، ان میں پہلی صِفَّت بیان کرتے ہوئے اللہ پاک نے اِرْشاد فرمایا :

اِنَّ اَوَّلَ بَیْتٍ وُّضِعَ لِلنَّاسِ (پارہ4 ، سورۃآلِ عمران : 96)

ترجمہ کنزُ العِرفان : بےشک سب سے پہلا گھر جو لوگوں کی عبادت کے لئے بنایا گیا۔

[1]...وسائِلِ بخشش ، صفحہ : 700۔

Important

Mobile Apps

Contact Us