Book Name:27 Nimazun Ka Sawab
آيا د دې ټولو اصل سبب چرې دا خو نه دے چې مونږه د اسلام ښودلې شوي هغه طريقے پريښودي دي چې په هغو د عمل كولو سره په خپل مينځ كښې محبَّت زياتيږي او بُغض و كينه ورسره ختميږي، يو بل سره د خىر ښيګړې جذبه ورسره زياتيږي او په هغې كښې يوه طريقه د جَمعې لمُونځ هم دے، يقين اوكړئ! چې ترڅو پورې جماتونه آباد وو، د هغه وخته پورې د ګناهونو اډے شړې وے، مسلمانان د يو بل خير خواه وو، په مسلمانانو كښې ورور ولي قائمه وه او مسلمان معاشره يوه مثالي مُعاشره وه.
اے عاشقانِ رسول! هِمَّت اوكړئ او جماتونه آباد كړي! راځئ چې مونږه هُم نِيَّت اوکړو چې زمونږ نه به نور يو لمُونځ هُم نه قضا كيږي، د نن نه پس به رانه د جَمعې لمُونځ نه پاتې كيږي، اِنْ شآءَ الله! د نن نه به زه پخپله هُم پينځه لمُونځونه د جَمعې سره ادا كووم او د كور نور كسان به هم د جَمعې پابند جوړووم.... او نورو خلقو ته به هم د دې دعوت وركووم. اِنْ شَــآءالـلّٰـه!
دولسو ديني كارونو كښې يو ديني كار ”مدني قافِله“
خوږو او محترمو اسلامي ورونړو! نيك جوړيدلو او د نيكو جذبه حاصلولو او د جَمعې د لـمانځه عادت پخولو د پاره د دعوتِ اسلامي ديني ماحول کښې شامل شئ، د الله پاك په فضل او د هغه د خوږ حبيب صَلَّى اللهُ عَلَيْهِ وَاٰلِهٖ وَسَلَّم په احسان او د اوليائے كرامو په فيضان سره اَلْحَمْدُ لِلّٰه! دعوتِ اسلامي جماتونه ډكولو والا تحريك دے، اَلْحَمْدُ لِلّٰه!!دعوتِ اسلامي جماتونه جوړوي او هغه آبادوي هُم. تاسو هم دعوتِ اسلامي سره مرسته اوکړئ او ”د خپل ځان او د ټولې دُنيا د خلقو د اصلاح په كوشش“ كښې مصروف شئ، 12 ديني كارونو كښې په اخلاص سره خپل كردار ادا كړئ او د ډيرو ثوابونو حقدار جوړ شئ.
په دې 12 ديني كارونو كښې يو ديني كار”مدني قافِله“ هم ده. اَلْحَمْدُ لِلّٰه! د ټولې دُنيا