اے عاشقانِ رسول! تاسو پخپله اندازه اولګوئ! د صحابه كرامو عَـلَيْهِمُ الرِّضْوَان مبارک دَور، د تابعينو او تبع تابعينو پاكيزه دور چې خلقو به د جَمعې د لمُونځ زبردست اهتمام كولو، تر دې پورې چې لوهار به خپل څټك د اوسپنې وهلو د پاره اوچت کړو او دغه وخت به اذان اوشو نو څټك به ئې اوسپنې له راچولو نه بغير هسې كيښودو او لمَانځه له به روان شو، څرمن ګنډلو والا به ستن په څرمن كښې پريښودله او جُمات ته به روان شو، د چا مصروفيت به هغه د جَمعې د لمَانځه نه نه شو حصارولے، هغه وخت به مُعاشره هم څومره پاكه وه، د خلقو په سترګو كښې به حياء وه، د خلقو په زړونو كښې به حياء وه، مسلمانان به د يو بل خير خواه وو، په ناپ تول كښې به كمے نه وو، د غريبانو خيال به ساتلے شو او د فحاشئ او بےپردګئ نه به مُعاشره پاكه وه.

     او نن زمونږه څه حال دے! د جمعې لمُونځ خو لا پريږده، اوس خو خلق لمُونځونه قضا كوي او په هغې پښيمانه كيږي هم نه، بيا د دې نتيجه هم ټول په خپلو سترګو وِيني، هُم دا وجه ده چې زمونږ مُعاشره ورځ په ورځ د ذِلت طرف ته روانه ده، بےحىائي ورځ په ورځ زياتيږي، په مُعاشره كښې نا اتفاقي، جنګ جګړې، يو بل وژل، جرائم، ګناهونه، په ناپ تول كښې كمے وغيره خباثتونه ورځ په ورځ زياتيږي.

     اے عاشقانِ رسول! اسلام دا غواړي چې مسلمانان د رضائے اِلٰهي د پاره يو بل سره محبت كوي او په معاشره كښې اتفاق وي، اتحاد وي، ورور ولي وي، ، الله پاك په قرانِ كريم كښې ارشاد فرمائى:

وَ  اعْتَصِمُوْا  بِحَبْلِ  اللّٰهِ  جَمِیْعًا  (پارہ4،سورۃآل عمران:103)                       

مفهوم ترجمہ کنزُ العِرفان: او تاسو ټول په شريکه د الله رسئ مضبوطه اونيسئ۔

     زمونږ خوږ آقا مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم ارشاد فرمائي: تاسو تر هٰغه وخته پورې جَنَّت نه شئ داخليدے تر څو چې ايمان قبول نه كړئ او تاسو تر هٰغه وخته