Book Name:27 Nimazun Ka Sawab
ساتونكي [نِظام سنبالوونکي] وي او * چا چې د ماښام لـمونځ د جَمعې سره ادا كړو، د هغه د پاره به د حجِ مَبُرور (يعنې قبول شوي حج) او قبولي شوي عمرے ثواب وي او * چا چې د ماسخُتن لـمونځ د جَمعې سره ادا كړو د هغه د پاره به په لَيْلَةُ الْقَدر كښې د قيام [يعني عبادت] کولو همره ثواب وي. ([1])
اے عاشقانِ رسول! الله پاك او د هغه خوږ حبيب صَلَّى اللهُ عَلَيْهِ وَاٰلِهٖ وَسَلَّم مونږ ته ”جَمعې سره د لـمانځه“ ادا كولو حكم كړے دے، علمائے كرامو د دې ډير حكمتونه بيان كړى دي:
* مُفسّرِ قرآن، مُفتی احمد یار خان نعيمي رَحْمَةُ اللهِ عَلَيْه ”د جَمعې د لـمانځه“ يو حكمت بيانوي، فرمائي: د جَمعې په بركت په قوم كښې نظم [و ضبط] وي چې مسلمانان د خپل هر كار د پاره د امام په شان صدر او اَمِير مقرر كړى او بيا د اَمِىر داسې اطاعت كوي څنګه چې مقتدي د امام كوي.
خوږو او محترمو اسلامي ورونړو! دُنيا دا خبره مني، د نفسياتو غټ غټ ماهرين دا خبره مني چې ترقي او كاميابي صرف د هغه قوم حصَّه ده په كوم قوم كښې چې نظم و ضبط وي، چرته چې نظم و ضبط نه وي، هلته صرف افراتفري، ناكامي او نقصان وي.
په نظم و ضبط باندې مشتمل نظام مونږ ته اسلام راكړے دے، داسې نظم و ضبط والا د عِزَّت نه ډك نظام په دُنيا كښې بل چرته نشته. د اسلام عطا كړي د ژوند دې نِظام كښې صرف يو د جَمعې لمُونځ ته اوګورئ!