چھٹکارا پانے اور عاجزی و سادگی کی دولت پانے کا ایک بہترین ذریعہ ہر ہفتے کو بعد نمازِ عشا اور رَمَضانُ المبارَک میں بعد نمازِ عصر و تراویح ہونے والے مَدَنی مذاکرے کو توجہ کے ساتھ سننا بھی ہے۔ اَلْحَمْدُ لِلّٰہ 72 نیک اعمال نامی رسالے میں بھی مَدَنی مذاکرہ سُننے کی  ترغیب موجود ہے ، چنانچہ

                             نیک عمل نمبر 58 ہے : کیا ہفتہ وار مَدَنی مذاکرہ دیکھنے / سُننے کی سعادت  حاصل کی؟  (دورانیہ : سُوال  و جواب شروع ہونے سے کم از کم ایک گھنٹہ 12 منٹ)

صَلُّوْا عَلَی الْحَبِیْب!                                           صَلَّی اللّٰہُ عَلٰی مُحَمّد

عُرسِ  حضرت عائشہ صدیقہ رَضِیَ اللّٰہُ عَنْہَا    

پیارے پیارے اسلامی بھائیو! رَمَضانُ الْمبارَک کا مہینا جاری و ساری ہے۔ اِس مبارَک مہینے کی سَترہ (17) تاریخ کو اُمُّ الْمؤمنین ، زَوْجَۂ رسولِ کریم ، حَبِیْبَۂ حَبیبِ خدا حضرت سَیِّدَہ عائشہ صِدِّیقہ ، عالِمَہ ، مُفْتِیَہ ، مُفَسِّرَہ ، مُحَدِّثَہ ، فَقِیْہَہ ، عابِدہ ، زاہِدہ ، طَیِّبَہ ، طاہِرہ ، عَفِیْفَہ رَضِیَ اللّٰہُ عَنْہَا    کا یَومِ وِصال ہے۔ آئیے!اِسی مُناسَبَت سےہم آپ کی سِیرتِ طَیِّبَہ کے چند روشن پہلوؤں کے بارے میں سُننے کی سعادت حاصل کرتے ہیں۔

صَلُّوْا عَلَی الْحَبِیْب!                            صَلَّی اللّٰہُ عَلٰی مُحَمّد

پیارے پیارےاسلامی بھائیو! اُمُّ الْمُوْمنین حضرت عائشہ صدیقہ رَضِیَ اللہُ عَنْہَا کی ذاتِ مقدَّسہ کی شان سب سے جداگانہ ہےکہ دیگر اَزواجِ مطہرات رَضِیَ اللّٰہُ عَنْہُنَّ اَجْمَعِیْن کے مقابلے میں آپ کو کئی عُلوم و فنون میں اس کامِل درَجے کی مہارت حاصل