پىارے پىارے اسلامى بھائىو!آپ نے سنا کہ حضورِ پاک صَلَّی اللّٰہُ عَلَیْہِ وَاٰلِہٖ وَسَلَّم حضرت خدیجہ رَضِیَ اللّٰہُ  عَنْہا سے کس قدر محبت فرماتے تھے ، لہٰذا ہمیں بھی ان سے محبت رکھنی چاہیے اور ان کے نقشِ قدم پر چلتے ہوئے محبتِ رسول کو اپنے سینے میں بچانا چاہیے اور یہ گُر پانے کے لئے دعوتِ اسلامی کے دینی ماحول سے وابستہ ہوجانا چاہیے۔ اَلْحَمْدُ لِلّٰہ عاشقانِ رسول کی مدنی تحریک دعوتِ اسلامی اس وقت 80 شعبوں کے ذریعے دنیا بھر میں دِین کا پیغام عام کر رہی ہے ، انہی میں سے ايك  “ شعبہ کفن دفن “ بھی ہے ، اس شعبے کے کاموں میں شریعت اور مدنی مرکزکے دیے گئے طریقِ کارکے مطابق مسلمان میّتوں کے غسل و کفن اور لواحقین کی غمگساری کے تمام معاملات سر انجام دے کر ثواب کمانا ہے۔ اَلۡحَمۡدُلِلّٰہ شعبہ کفن دفن کے تحت وقتاً فوقتاً ، ملک و بیرونِ ملک ذِمہ داران و عاشقانِ رسول کے سُنّتوں اجتماعات کا بھی انعقاد کیا جاتا ہے۔ شعبے کے تحت تیجے ، چہلم اور برسی کے موقع پر ایصالِ ثواب کے اجتماع بھی کئے جاتے  ہیں اور ان میں رسائل بھی تقسیم کئے جاتے ہیں ۔

                             اَلْحَمْدُ لِلّٰہ شعبہ کفن دفن اور آئی ٹی ڈیپارٹمنٹ کی مشترکہ کوشش سے عاشقانِ رسول کی آسانی کے لئے موبائل ایپلی کیشن بنام “ Muslim's Funeral “ (کفن دفن)بھی بنائی گئی ہے ، جس میں روح نکلنےکے وقت کے اہم کام ، غُسلِ میّت کا مکمل طریقۂ کار ، کفن تیار کرنے کا طریقہ ، نمازِ جنازہ کا طریقہ ، قبر بنانے اور دفن کرنے کے تمام معاملات بذریعہD3 Videoسکھانے کی کوشش کی گئی ہے۔ علمِ دِین سیکھنے کا جذبہ رکھنے والے اسلامی بھائی اس ایپلی کیشن کوپلے اسٹور(Play Store) سے “