اے عاشقانِ رسول! هسې خو د خاتونِ جنَّت فاطِمَةُ الزَّهراء رَضِیَ الله عَنْهَا اوصاف او فضائل ډير زيات دي، علمائے كرامو د هغې رَضِیَ الله عَنْهَا په اوصافو او فضائلو باندې كتابونه ليكلي دي، خو راځئ چې مونږه د هغې رَضِیَ الله عَنْهَا د دوه اعلٰى اوصافو اوريدلو او په هغې د ځان پوهه كولو كوشش اوكړو، په هغه دوو اوصافو كښې وړومبے وصف دے: د سَيِّدَه رَضِیَ الله عَنْهَا فَقْر او دويم د هغې رَضِیَ الله عَنْهَا د خير ښيګړې جذبه. سَيِّدَه كائنات رَضِیَ الله عَنْهَا په فَقْر كښې هم كمال لرلو او په خير ښيګړې كښې هم ډيره مشهوره وه.

فَقْر څه ته وائي؟

     په عامه محاوره كښې لفظِ ”فَقر“ نه مُراد غريبي او مُفلسي ده، خو حضرت فاطِمَةُ الزَّهراء رَضِیَ الله عَنْهَا مَعاذَ الله! په دې معنٰى فقيره نه وه، الله پاك دِ مونږه د بے ادبئ نه محفوظه اوساتي! په دې لحاظ سره خو د فاطِمَةُ الزَّهراء رَضِیَ الله عَنْهَا نه بله اوچته مالداره څوك كيدے نه شي ځکه چې هغه رَضِیَ الله عَنْهَا د مالكِ جَنَّت، صاحبِ كوثَر صَلَّى اللهُ تَعَالٰى عَلَيْهِ وَاٰلِهٖ وَسَلَّم شهزادګئ ده، د جنَّت د بيبيانو سرداره ده، ځکه چې نن هم مونږه د هغې رَضِیَ اللهُ عَنْهَا د بابا جان صَلَّى اللهُ عَلَيْهِ وَاٰلِهٖ وَسَلَّم د دَر نه خورو، د هغوئي د درنه ټوله دُنيا آباده ده.

    په اصل كښې فَقر د صُوفيائے كرامو يوه اِصطِلاح ده، د دې معنٰى ده: د ماسِوا الله نه (يعنې د الله پاك نه علاوه د هر څيز نه) بےنيازه كيدل. حضرت ابوبكر شِبلـي رَحْمَةُ اللهِ عَلَيْه فرمائي: كه چا ته د دُنيا ټول دولت ميلاؤ شي او هغه دا [ټول دولت] په يوه ورځ كښې صدقه كړي، بيا د هغه په زړه كښې خيال راشي چې كاش! يو څو روپـئ مې ترينه ځان له پاتې كړے وے نو داسې كس په فَقر كښې رښتينې نه دے.

     د حضرت ابو علي دَقَّاق رَحْمَةُ اللهِ عَلَيْه په خدمت كښې يو حقيقي فقير راغلو، هغه د ټاټ لباس اغوستے وو، د حضرت ابو علي دَقَّاق رَحْمَةُ اللهِ عَلَيْه يو شاګرد د خوش طبعئ [يعني