بليرډ كولو كښې به ئې خپلې ورځې بربادولې ، او شپه به ئې په ويډيو سينټر كښې تيريدله ، په رَمَضَانُ الْمُبَارَك كښې به ئې هم د مور و پلار سره جګړې كولې تر دې چې د كور سامان او لوښي به ئې ماتول ، د خپلو ګناهونو نه پخپله هم بيزاره وو ، ډير زيات جذباتي وو ، او مَعَاذَالله څو ځله ئې د خودكُشئ كوشش هم كړے وو خو اَلْـحَـمْدُ لِـلّٰـه ناكامه  شوے وو ، د الله پاك په كرم هغه ته د رَمَضَانُ الْمُبَارَك په آخرئ عشره كښې د اِعتكاف شوق پيدا شو ، د خپل كور خوا ته نِزدې جمات كښې ئې د اعتكاف اراده وه ، د يو اسلامي ورور سره ئې ملاقات اوشو ، د هغه په اِنفِرادي كوشش د عاشقانِ رَسُول دِيني تحريك دعوتِ اسلامي عالمي مدني مركز فيضانِ مدينه كراچئ كښې كيدونكي اجتماعي اعتكاف كښې د عاشقانِ رسول سره مُعتَكِف شو. پينټ شرټ اغوستلو والا ځلمي چې د اجتماعي اعتكاف بركتونه اوليدل ، د [سُنَّتو او آدابو] زده كولو حلقو كښې شريك شو ، د سُنَّتو ډك بيانونه ئې واوريدل نو د عاشقانِ رسول صُحبت پرې اثر اوكړو او د هغوئي په صحبت كښې داسې رنګ شو چې ګيره ئې پريښودله ، د عمامے شريفې تاج ئې په سر كړو او د اختر په شپه ئې په ژړا ژړا د ګناهونو نه توبه اوكړه او كور ته د تللو په ځائے د درې ورځو مدني قافله كښې عاشقانِ رسول سره په سفر روان شو. د هغوئي وينا ده : قَسم په خدائے! دا زما د ژوند د ټولو نه وړومبے اختر وو چې ډير ښه تير شو. بيرته كور ته راغلو او د مور په ښپو پريوتلو او دومره زيات ئې اوژړل چې سلګئ ئې شروع کړي او بےهوشه شو ، تقريباً نيمه ګينټه پس په هوش كښې راغلو نو د كور ټول خلق ترينه چاپيره وو او حيران وو چې په ده څه شوي دي ، اَلْحَمْدُ لِلّٰهِ كور كښې ډير ښه ماحول جوړ شو. ^([1])