د اِعتِكاف فضائل

     د رَمَضَانُ الْمُبَارَك بركتونو او رحمتونو حاصلولو ، د ګناهونو نه بچ كيدلو او په نيكو كښې د تيرولو د پاره بهترينه طريقه اِعتِكاف دے. * د شعبانُ المُعَظَّم په آخرئ ورځ لمَر پريوتو نه مخكښې دِ بنده تياري اوكړي او د اِعتِكاف په نِيَّت دِ جمات ته لاړ شي ، * د جمات د آدابو خيال ساتلو سره دِ پورا مياشت په جمات كښې تيره كړي ، * كله دِ د قرآنِ كريم تلاوت كوي ، * كله دِ ذِكرُاللّٰه كوي ، * كله دِ د آخرت په مُعامَلاتو کښې غور كوي ، * كله دِ د ديني كتابونو مطالعه كوي ، * په ژړا ژړا دِ د الله پاك په بارګاه كښې دُعاګانې كوي ، * بخښنه دِ غواړي ، * بس د دُنيا نه دِ ډډه اوكړي او پورا رَمَضان دِ د الله په كور كښې اوسي ، خوږ آقا مكي مدني مصطفٰى صَلَّى اللهُ تَعَالٰى عَلَيْهِ وَاٰلِهٖ وَسَلَّم فرمائي : څوك چې د الله پاك د رضا او خوشنودئ د پاره يوه ورځ اِعتِكاف اوكړي ، الله پاك به د هغه او د دوزخ تر مينځه درې خَندَقونه [کندې] حائل کړي ، د هر خَندَق فاصله د مشرق او د مغرب د فاصلے نه هُم زياته ده.^([1])   

     د اُمُّ المُؤمِنِیْن حضرت عائشه صدیقه رَضِیَ الله عَنْها نه روايت دے : مَنْ اِعْتَکَفَ اِیْمَاناً وَ اِحْتِسَابًا غُفِرَ لَہٗ مَا تَقَدَّمَ مِنْ ذَنْبِہٖ  چا چې د اِيمان سره او د ثواب حاصلولو په نِيَّت اِعتكاف اوكړو د هغه تير شوي ګناهونه به اوبخښلے شي. ^([2]) په يو حديثِ پاك كښې فرمائي : چا چې په رَمَضَانُ الْمُبَارَك كښې د لسو ورځو اعتكاف اوكړو هغه داسې دے لكه دوه حجونه او دوه عمرے ئې چې اوكړې.^([3]) د اِبنِ ماجه شريف په روايت كښې