Book Name:Faizan e Ramzan
فرض د اوياؤ فرضو برابر دے ، خپل جدول كښې فرائضو ته ترجيح ورکول پکار دي. مثلاً بنده دِ غور اوكړي چې په ما څومره علمِ دين زده كول فرض دي ، آيا هغه ما پوره زده كړي دي؟ كه نه ئې وي زده کړي نو د فرض علم زده كولو وخت دِ هم مقرر كړي ، دغسې كه د لمُونځونو قضا پرې پاتې وي نو هغه ادا كول وغيره.
فرض علوم زده كولو د پاره د اَميرِ اهلسنت ، بانئ دعوتِ اسلامي حضرت عَلَّامه مولانا ابو بلال محمد الياس عطار قادري رضوي دَامَـتْ بَـرَكَـاتُـهُـمُ الْـعَـالِـيَـهْ كتابونه فیضانِ رمضان ، نماز کے اَحْکام ، کفریہ کلمات کے بارے میں سوال جواب ، غیبت کی تباہ کاریاں وغيره د مَكْتَبَةُ الْمَدِينه نه حاصل كړئ ، دغه شان بہارِ شریعت او د مَكْتَبَةُ الْمَدِينه نور كتابونه او رسالے حاصلې كړئ او د هغې د لوستلو باقاعده وخت مقرر كړئ ، په رَمَضَانُ الْمُبَارَك كښې مَـا شَآءَ اللّٰہ د مدني مذاكرو سلسله جاري وي ، اَلْـحَـمْدُ لِـلّٰـه! اَميرِ اهلسنت دَامَـتْ بَـرَكَـاتُـهُـمُ الْـعَـالِـيَـهْ په رَمَضَانُ الْمُبَارَك كښې هره ورځ دوه مدني مذاكرے فرمائي (يعنې د عاشقانِ رسول د سُوالونو جوابونه وركوي) ، يوه مدني مذاكره د مازديګر نه پس او دويمه د تراويح نه پس په مدني چينل باندې براهِ راست نشر كيږي ، دا مدني مذاكرے د علمِ دين زده كولو بهترينه ذريعه ده ، په دې مدني مذاكرو كښې شركت كوئ.
د دې نه علاوه د دعوتِ اسلامي د علمي و تحقيقي شُعبے اَلمَدينةُ العِلمِيَّه يو ښكلے كتاب دے “ رمضان المبارک کے صبح وشام گزارنے کا طریقہ “ ، په دې كتاب كښې د ډيرو ډيرو فرضو علومو سره سره د رَمَضَانُ الْمُبَارَك د آخرئ عشرے (يعنې د 21 نه 30 رمضان) پورې جدول وركړے شوے دے ، د رَمَضَانُ الْمُبَارَك جدول جوړولو د پاره د دې كتاب نه هم ډير مدد حاصلولے شئ.