Book Name:Faizan e Ramzan
حضرت اَنَس بِن مالِك رَضِیَ الله عَنْه فرمائي : د شَعبان د (وړومبئ شپې د) مياشت ښكاره كيدو سره به صحابۀ كرام عَلَيْهِمُ الرِّضْوان تلاوتِ قرآنِ كريم ته ډير مُتَوَجِّه شولو ، د خپلو مالونو زكاة به ئې ويستلو چې غريبان او مِسكينان د رَمَضَانُ الْمُبَارَك د روژو د پاره تياري اوكړي ، سوداګرو به خپلې قرضے ادا كړې ، د نورو نه به ئې خپل قرضونه وُصول كړل ، (او دغسې د رَمَضَانُ الْمُبَارَك د راتلو نه مخكښې به ئې خپل ځان فارغه كړو) او د رَمَضَانُ الْمُبَارَك د مياشت ښكاره كيدو سره به ئې غُسل اوكړو او (بعضې حضرات به په) اَعتِكاف كښې كښيناستل. ([1])
اے عاشقانِ رسول! الله پاك دِ توفيق راكړي چې د رَمَضَانُ الْمُبَارَك مياشت ښه په عبادت او رياضت كښې تيره كړو ، مونږ له پكار دي چې د رَمَضَانُ الْمُبَارَك د مياشتې د راتلو نه مخكښې تياري اوكړو ، مَثَلاً * دا ځل به رَمَضَانُ الْمُبَارَك كښې دومره ځله قرآنِ كريم ختمووم ، * دومره دُرُود شريف به لولَم ، * دومره نوافِل به ادا كووم ، * دومره وخت به په ذِكر و اَذكار كښې تيرووم ، دغسې نيتونه كول او خپل جدول جوړول پکار دي. مخكښې نه د جدول [يعني د اِډوانس شيډول] جوړولو بهترينه طريقه دا ده چې انسان خپل شيډول اوليكي او ځان سره ئې محفوظ كړي ، ګنې نِيَّت به اوکړي خو چې كله رَمَضَانُ الْمُبَارَك راشي نو بيا به ترينه هير وي ، د نن نه كوشش اوكړئ او د رَمَضَانُ الْمُبَارَك جدول [يعني د رَمَضَانُ الْمُبَارَك د مياشتې د تيرولو خپل شيډول] جوړ كړئ او يو محفوظه ځائے كښې ئې اوليكئ.
د رَمَضَانُ الْمُبَارَك د جدول جوړولو وخت كښې حكمتِ عملي اختيارول پكار ده ، هغه دا چې په عبادتونو كښې د ټولو نه افضل فرائض دي او په رَمَضَانُ الْمُبَارَك كښې يو