چې خپله پيشګي منصوبه [اِډوانس پلانِنګ] نه جوړوي ، هغوئي خپل قيمتي وخت بربادوي.

      څومره د افسوس خبره ده چې په كور كښې يو وړوكے شان دعوت وي ، د ځوئ واده وي يا د خپلوئ د پاره د هلک يا د جينئ ليدلو د پاره ميلمانه راروان وي نو مونږه د يو يو څيز منصوبه جوړوو چې ميلمانه به كوم ځائے كښينوو؟ د ميلمستيا په طور به ورته څه پيش كوو؟ د ميلمنو په راتلو به هغوئي ته شربت پيش کوو که چائے؟ په طعام كښې به څه څه تياروو؟ وغيره وغيره د يو يو څيز مُتَعَلِّق د كور كسان خپل مينځ کښې څو څو ځله مشوره کوي ، او د افسوس او حيرانتيا خبره دا ده چې د رَمَضَانُ الْمُبَارَك نه پس صرف د يوے ورځې عيدُ الفِطر [يعنې وړوكے اختر] راروان وي ، مونږه د دغه يوے ورځې په تيارئ كښې د ټول رَمَضَانُ الْمُبَارَك مياشت تيروو ، جامے څنګه اخستل دي؟ څپلئ څنګه او د څو روپو والا اخستل دي؟ او ډير نادان خلق خو صرف د اختر د سامانونو اخستلو د پاره روژه پريږدي چې صبا له بازار ته تلل دي ، ګنړه به ډيره وي ، ګرمي به هم ډيره وي ، تږي به شو ، ځکه به صبا له روژه نه نيسو. اَسْتَغْفِرُ اللّٰہ! اَسْتَغْفِرُ اللّٰہ!

    مَعاذَ الله! څومره ناداني ده چې صرف د اختر د يوے ورځې تياري داسې په شوق كيږي ، حالانکه د کومې روژے په بركت چې مونږ ته د انعام په طور د اختر ورځ نصيب كيږي ، د هغې عَظِيمُ الشَّانې مياشتې د پاره مونږه هيڅ تياري نه كوو.

     زار شم د صحابۀ كرامو عَلَيْهِمُ الرِّضْوان د نيكو د جذبے نه! د الله پاك هغه نيك بندګان داسې جذبے والا وو او نيكئ كولو والا وو چې د شَعبان (د وړومبئ شپې) مياشت به ښكاره شوه نو د رَمَضَانُ الْمُبَارَك د مياشتې تياري به ئې شروع كړه.