غُصَّه كميږي ، نفس ئې كمزورے كيږي او په زړه كښې ئې د اِيمان نُور زياتيږي ، بيا په قلاره قلاره دا مقام حاصليږي چې بنده ګناهونه پريږدي او د الله پاك طرف ته پورا مُتَوَجِّه شي ، تر دې چې د نُورِ اِيمان په وجه هر طرف ته د الله پاك د قدرت نظارے ويني او خپل اِيمان و يقين زياتوي. ^([1]) 

     مُحَمَّدِ عَـرَبِـی ، مكي مدني مُصطفٰى صَلَّى اللهُ تَعَالٰى عَلَيْهِ وَاٰلِهٖ وَسَلَّم فرمائيلي دي : خپلې خيټې اوږې ساتئ! خپل ځيګرونه تږي ساتئ ، تاسو به الله پاك ظاهر او ښكاره (يعنې هر طرف ته د هغه د قدرت نښې) وينئ. ^([2]) په حديثِ پاك كښې فرمائي : شيطان د انسان په بدن كښې د وينې په شان ګردش كوي ، ^([3])  د لوږې او تندې په ذريعه د هغه لاره تنګه كړئ. ^([4])  

     حضرت علامه نقي علي خان رَحْمَةُ اللهِ عَلَيْه نور فرمائي : اے عزيزه! ستا په خوړلو د الله پاك د رزق په خزانو كښې كمے نه راځي خو خبره دا ده چې په مړه خيټه خوراك كولو سره به ته د نفس پابند شې او د الله پاك او ستا په مينځ كښې به پرده حائله شي. او اُوږي اوسيدو سره به دِ د زړه صفائي کيږي ، زړه به دِ نرم شي ، عبادت به خوند درکوي۔ عاجزي او انكساري به دِ نصيب شي ، د شَهوت زور به ختم شي ، په خوب كښې به دِ كمے راشي ، په نيكي كولو كښې به ثابت قدمي درنصيب شي او د ډيرو مرضونو بيمارو نه به هُم خلاص شې. ^([5])    

     روژو نيولو سره صحت ميلاويږي.