اَلْحَمْدُ لِلہِ رَبِّ الْعَالَمِیْنَ وَالصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ! فَاَعُوْذُ بِاللہِ مِنَ الشَّیْطٰنِ الرَّجِیْمِ ^ط بِسْمِ اللہِ الرَّحْمٰنِ الرَّحِیْمِ ^ط

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                                                  وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                                                وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف                                                                                                                (ترجمہ : میں نے سُنَّت اعتکاف کی نِیَّت کی)

پیارے اسلامی بھائیو!  جب بھی مسجد میں داخِل ہونے کی سَعَادت پائیں ، اعتکاف کی نیت ضرور فرمائیں ، نیت دل کے ارادے کو کہتے ہیں ، دِل ہی میں نیت کر لیجئے کہ میں اعتکاف سے ہوں ، آپ معتکف ہو گئے ، دِل میں نیت حاضِر ہوتے ہوئے زبان سے بھی دُہرا لینا زیادہ اچھا ہے ، چاہے اپنی مادری زبان میں ہی کہہ لیجئے : میں نے سُنّت اعتکاف کی نیت کی۔ یادرکھئے! مسجد میں کھانا ، پینا ، سونا ، سحری ، افطار ، آبِ زم زم شریف پینا ، دم کیا ہوا پانی پینا ، یہ سب اُسی صُورت میں جائِز ہوتے ہیں جب کہ اعتکاف کی نیت پہلے سے کی ہوئی ہو ، اگر کھانا سامنے آگیا تو اب اعتکاف کی نیت نہیں ہو سکے گی۔ البتہ عبادت کی نیت سے اب بھی ہو سکتی ہے ، لہٰذا عِبَادت کے لئے اعتکاف کی نیت اب بھی کر لیں ، کچھ ذِکْر و اَذْکار کر لیں ، مثلاً 12 مرتبہ درود شریف پڑھ لیں ، اب چاہیں تو کھا ، پی یا سَو سکتے ہیں۔  

درود پاک کی فضیلت

فرمانِ مصطفےٰ  صَلَّی اللہُ عَلَیْہِ وَاٰلِہٖ وَسَلَّم : تم اپنی مجلسوں کو مجھ پر درودِ پاک پڑھ کر آراستہ کرو (یعنی زینت دو ، خوب صُورت کرو) کیونکہ تمہارا مجھ پر درود پڑھنا روزِ قیامت تمہارے لئے نور ہو گا۔ ^([1])