صَلُّوْا عَلَی الْحَبِیْب!                                      صَلَّی اللّٰہُ عَلٰی مُحَمّد

*مُرغ کی بانگ سُن کر پڑھنے کی دُعا

دعوتِ اسلامی کے ہفتہ وار سُنّتوں بھرے اجتماع کے شیڈول کےمطابِق “ مُرغ کی بانگ سُن کر پڑھنے کی دعا “ یادکروائی جائےگی۔ وہ دُعایہ ہے :

اَللّٰھُمَّ اِنِّیْ اَسْئَلُكَ مِنْ فَضْلِكَ

ترجَمہ : یا الٰہی !  میں تجھ سے تیرے فضل کا سُوال کرتا ہوں ۔

(بخاری ، ۲ / ۴۰۵ ،  حدیث : ۳۳۰۳ ماخوذًا)

حکیمُ الاُمّت حضرت مفتی احمدیار خان نعیمی رَحْمَۃُ اللّٰہِ عَلَیْہ فرماتے ہیں : مُرغ رَحمت کا فرشتہ دیکھ کر بولتا ہے ، اس وقت کی دعا پر فرشتے کےآمین کہنے کی اُمید ہے۔   (مرآۃ المناجیح ، ۴ / ۳۲)(مَدَنی پنج سورہ ، ص۲۱۰)

صَلُّوْا عَلَی الْحَبِیْب!                            صَلَّی اللّٰہُ عَلٰی مُحَمَّد

*اجتماعی جائزے کا طریقہ(72نیک اعمال )

فرمانِ مُصْطَفٰےصَلَّی اللّٰہُ عَلَیْہِ واٰلِہٖ وَسَلَّمَ : (آخرت کے معاملے میں)گھڑی بھر غور و فکر کرنا 60 سال کی عبادت سے بہتر ہے۔ (جامع صغیرللسیوطی ، ص۳۶۵ ، حدیث : ۵۸۹۷)

                             آئیے!نیک اعمال کا رسالہ پُر کرنے سے پہلے “ اچھی اچھی نیتیں “ کرلیجئے۔

(1)رِضائے الٰہی کے لئے خود بھی نیک اعمال کے رِسالے سے اپنا جائزہ  لوں گا اور دوسروں کو بھی ترغیب دوں گا۔

(2)جن نیک اعمال پر عمل ہوا اُن پر اللہ پاک کی حمد (یعنی شکر)بجا لاؤں گا۔