خوږو او محترمو اسلامي ورونړو! د پريشان حاله پريشاني لرې كول د ثواب كار دے، د وباګانو او آفتونو په وخت كښې نيك كار كول هيڅ كله مه هيروئ، د الله پاك خوږ حبيب صَلَّى اللهُ عَلَيْهِ وَاٰلِهٖ وَسَلَّم فرمائى: اَللّٰہُ فِیْ عَوْنِ عَبْدِہٖ مَا کَانَ الْعَبْدُ فِیْ عَوْنِ اَخِیْہِ بنده چې ترڅو پورې د خپل مسلمان ورور مدد كوي، الله پاك د هغه مدد كوي. ^([1])

      په احاديثو كښې د طاعون خوريدو په ورځو كښې، د طاعون نه تښتيدلو نه منع راغلي ده، د دې يو حِكمت مُفسّرِ قرآن، مفتی احمد یار خان رَحْمَةُ اللهِ عَلَيْه دا بيان کړے دے چې: په وباء كښې اكثر خپل خپلوان او دوستان بيماريږي، د هغوئي نه تښتيدل نه دي پکار، كه په داسې موقع صحتمندو ته د تښتيدلو اجازت وركړے شي نو د بيمارانو خدمت به څوك كوي، دغسې خو به دا بيماران يقيناً په سخت تكليف سره مړه شي او كفن به ئې هم نصيب نه شي. ځکه هلته حصاريدل ډير د ثواب كار دے لكه د جِهاد په صف كښې حصاريدل. مُفتـي صاحب رَحْمَةُ اللهِ عَلَيْه نور فرمائي: ما پخپله ليدلي دي چې يو ځل په بَدايُون (هِند) كښې طاعون خور شو، د مسلمانانو جنازے به ډير په عِزَّت او احترام وړلے شوې، لويه ګنړه به ورسره روانه وه او مخكښې به ترينه نعت خواني كيدله، او غير مسلمه مړي به حكومت په ټرالو او ريړو کښې اچول او لرې به ئې غوزارول يا به ئې په زمكه كښې دغسې په کډه کښې واچول او خاورې  به ئې پرې واړولې، ځكه چې د هغوئي صحت مند تښتيدلي وو او دوئي ئې دغسې پريښودي وو۔ د دې واقعې په وجه ډير غيرمسلمه مسلمانان شو. ^([2])        

     خوږو او محترمو اسلامي ورونړو! اَلْـحَـمْـدُ لِلّٰـہ! د عاشقانِ رسول ديني تحريك دعوتِ اسلامي په ټوله دُنيا كښې د دِين په كار كښې مصروفِ عمل دے او مَـاشَــآءالـلّٰـه! د بانئ