Share this link via
-
Home
-
Islamic Speeches
-
سفرِ معراج
- page 26
سفرِ معراج
پیارے آقا ، مکی مَدَنی مصطفےٰ صَلَّی اللّٰہُ عَلَیْہِ واٰلِہٖ وَسَلَّمَ نے شعبانُ الْمُعَظَّم کے نفل روزوں کو رَمَضانُ المُبارَک کے فرض روزوں کے بعد سب سے افضل قرار دیا ہے۔ اس مہینے میں بندوں کے اعمال اللہ پاک کی بارگاہ میں پہنچائے جاتے ہیں اس لئے اُمّت کو روزوں کی ترغیب دینے کے لئے آپ نے اس مہینے میں خود بھی کثرت سے روزے رکھے۔ آئیے! شَعبانُ الْمُعَظَّم کے روزوں کی فضیلت کے بارے میں تین (3)فرامینِ مُصْطَفٰے سننے کی سعادت حاصل کرتے ہیں ، چُنانچہ
.1نبیِّ کریم صَلَّی اللّٰہُ عَلَیْہِ واٰلِہٖ وَسَلَّمَ سے سُوال کیا گیا : رَمَضان کے بعد کون سا روزہ افضل ہے؟ اِرشادفرمایا : رَمَضان کی تعظیم کے لئے شعبان کا روزہ رکھنا۔ ([1])
.2اُمُّ الْمُومنین حضرت عائِشہ صِدّیقہ رَضِیَ اللہُ عَنْہَا فرماتی ہیں : حُضورِ اکرم صَلَّی اللّٰہُ عَلَیْہِ واٰلِہٖ وَسَلَّمَ پُورے شعبان کے روزے رکھا کرتے تھے۔ میں نے عرض کی : کیا سب مہینوں میں آپ کے نزدیک زیادہ پسندیدہ شعبان کے روزے رکھنا ہے؟ ارشاد فرمایا : ہاں!اللہ کریم اِس سال مرنے والی ہر جان کو لکھ دیتا ہے اور مجھے یہ پسند ہے کہ میرا وقتِ رُخصت آئے اور میں روزہ دارہوں۔ ([2])
.3ارشاد فرمایا : رجَب اور رَمَضان کے بیچ میں یہ مہیناہے ، لوگ اِس سے غافِل ہیں۔ اس میں لوگوں کے اَعمال اللہ پاک کی طرف اُٹھائے جاتے ہیں اور مجھے یہ پسند ہے کہ میرا عمل اِس حال میں اُٹھایا جائے کہ میں روزہ دار ہوں۔ ([3])
BOOK TOPIC
- دُرُوْدِ پاک کی فضیلت
- بیان سُننے کی نیتیں
- معراج اور عقل
- جیسا دور ویسا ہی معجزہ
- ہر زمانہ میرے حضور کا ہے
- سفرِ معراج اور قرآن
- مختصرواقعہ ِمعراج
- سفرِ معراج کیلئے برّاق بھیجنے میں حکمت
- تین مقامات پر نماز
- حضرت موسیٰ عَلَیْہِ السَّلَام کی قبر
- بَیْتُ المقدِس میں انبیائے کرام کی امامت
- ساتوں آسمانوں کا سفر
- اللہ پاک کا دیدار
- دینی ماحول سے وابستہ ہوجائیے
- صدیقِ اکبر کا اندازِدلنشین
- بَیْتُ الْمَقْدِس اورتجارتی قافلوں کے احوال
- غیبوں کی خبریں دینے والے نبی
- اپنا ہی گوشت کھانے والے لوگ
- پیٹوں میں سانپ
- سر کچلے جانے کا عذاب
- آگ کی شاخوں سے لٹکے ہوئے لوگ
- شعبانُ الْمُعَظَّم سے خاص محبت
- شعبان کے روزوں کی فضیلت
