لـمونځونو کمولو د پاره بيا بيا د خپل ربّ تعالٰى په بارګاه کښې حاضر شولو او په پينځه پينځه كمولو صرف پينځه پاتې شو. معلومه شوه چې لمُونځ د سفرِ معراج ډيره خوږه تحفه ده.

اُمَّتِ مُصطفٰى سره د موسٰى عَلَيْهِ  السَّلام همدردي

     د حُضُورِ اكرم صَلَّى اللهُ عَلَيْهِ وَاٰلِهٖ وَسَلَّم فرمانِ عاليشان دے : الله پاك زما په اُمَّت 50 لمُونځونه فرض كړي وو. چې كله زه د موسٰى عَلَيْهِ  السَّلام خوا ته بيرته راغلم نو موسٰى عَلَيْهِ  السَّلام رانه تپوس اوكړو چې الله پاك ستاسو په اُمَّت څه فرض كړي دي؟ ما هغوئى ته اووئيل چې الله پاك په ما باندې 50 لمُونځونه فرض كړي دي ، نو هغوئي اووئيل : تاسو د خپل ربّ خوا ته لاړ شئ ، ستاسو اُمَّت دومره طاقت نه لري. زه د الله پاك خوا ته بيرته ورغلم نو د هغه 50 نه څه حصه كمه كړے شوه. چې كله د موسٰى عَلَيْهِ  السَّلام خوا ته بيرته راغلم ، نو هغوئي زه بيرته اوليږلم ، الله پاك اوفرمائيل : ښه 5 شو او د 50 قائم مقام دي ځكه چې زما قول نه بدليږي. زه د حضرت موسٰى عَلَيْهِ  السَّلام خوا ته بيرته راغلم ، هغوئي اووئيل : بيا د الله پاك خوا ته لاړ شئ. ما جواب وركړو : ما ته خو نور د خپل ربّ نه حياء محسوسيږي. ^([1])

     حضرت سَيِّدُنا اَنَس رَضِیَ الله عَنْه فرمائي : په سروَرِكائنات صَلَّى اللهُ عَلَيْهِ وَاٰلِهٖ وَسَلَّم باندې د معراج په شپه 50 لمُونځونه فرض كړے شوي وو ، بيا كم كړے شو ، تر دې چې 5 پاتې شو ، بيا غږ اوشو : اے محبوب صَلَّى اللهُ عَلَيْهِ وَاٰلِهٖ وَسَلَّم! زمونږ خبره نه بدليږي او ستاسو د پاره د دې پينځَؤ په بدله كښې د پنځوسو ثواب دے.^([2])