اے عاشقانِ رسول! تِلاوت کرنا سُنَّت ہے۔ ہمارے پیارے آقا ، مکی مدنی مصطفےٰ  صَلّی اللہُ عَلَیْہ وآلِہ وسَلَّم  کثرت سے قرآنِ کریم کی تلاوت فرمایا کرتے تھے * حضرت عائشہ صدیقہ  رَضِیَ اللہُ عنہا  فرماتی ہیں : کوئی چیز آپ  صَلّی اللہُ عَلَیْہ وآلِہ وسَلَّم  کو تِلاوت سے نہ روکتی تھی * آپ  صَلّی اللہُ عَلَیْہ وآلِہ وسَلَّم  رات کی نماز میں کبھی کبھی پوری سُورَۂ بَقَرَۃ اور سُورَۂ آلِ عِمْرَان کی تلاوت فرمایا کرتے تھے  * روزانہ رات کو  سُوْرَۂ سَجْدَہ ، سُوْرَۂ مُلْک ، سُوْرَۂ بَنِیْ اِسْرَائِیْل ، سُوْرَۂ زُمَرْ ، سُوْرَۂ کَافِرُوْن ، سُوْرَۂ فَلَقْ اور سُوْرَۂ وَالنَّاسْکی تلاوت کر کے  سویا کرتے تھے۔

الٰہی خوب دے شوق قرآن کی تلاوت کا             شرف دے گنبدِ  خضرا کے سائے میں شہادت کا

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد