غلام مانگنے بھیجا لیکن آپ اب بھی حیا کی وجہ سے سُوال نہ کر سکیں۔ (حضرت علی المرتضیٰکَرَّمَ اللہ وَجْہَہُ الْکَرِیْم مزید فرماتے ہیں : )جب تیسری شام آئی تو ہم دونوں حضور نبیِّ اَکرم  صَلَّی اللہ عَلَیْہِ وَاٰلِہٖ وَسَلَّم کی خدمت میں حاضر ہوئے ، رسولِ پاک   صَلَّی اللہ عَلَیْہِ وَاٰلِہٖ وَسَلَّم  نے آنے کا سبب پوچھا تو حضرت علی المرتضیٰ کَرَّمَ اللہ وَجْہَہُ الْکَرِیْم فرماتے ہیں : میں نے عرض کی : یا رسولَ اللہ صَلَّی اللّٰہُ عَلَیْہِ وَاٰلِہٖ وَسَلَّم! ہمیں کام میں دشواری ہوئی تو ہم نے چاہا کہ آپ سے کوئی غلام مانگ لائیں۔ حضورنبیِّ اکرم  صَلَّی اللہ عَلَیْہِ وَاٰلِہٖ وَسَلَّم نے ارشادفرمایا : کیا میں تمہیں ایسا  کام نہ بتاؤں جو تمہارے لئے سُرخ اونٹوں سے بہتر ہے؟حضرت علی المرتضیٰ کَرَّمَ اللہ وَجْہَہُ الْکَرِیْم نے عرض کی : جی ہاں! یا رسولَ اللہ صَلَّی اللّٰہُ عَلَیْہِ وَاٰلِہٖ وَسَلَّم!تو رسولِ اکرم  صَلَّی اللہ عَلَیْہِ وَاٰلِہٖ وَسَلَّم  نے ارشاد فرمایا : صبح و شام 33 بار سُبْحٰنَ اللہ ، 33 بار اَلْحَمْدُ لِلّٰہ اور 34 بار اَللہُ اَکْبَر کہو ، صبح وشام ہزار نیکیاں ملیں گی ۔ حضرت علی المرتضیٰ کَرَّمَ اللہ وَجْہَہُ الْکَرِیْم فرماتے ہیں : اس کے بعد میں نے اس کواپنا معمول بنالیا پھرکبھی بھی نہ چھوڑا ، البتہ جنگ ِ صفین کی رات میں اسے پڑھنا بھول گیا تھا لیکن پھرآخر میں مجھے یاد آگیا تو میں نے پڑھ لیا۔ (سنن کبری للنسائی ، کتاب عمل الیوم واللیلۃ ، باب ثواب ذلک ، ۶ / ۲۰۴ ، حدیث : ۱۰۶۵۲)

               پیارے پیارے اسلامی بھائیو! ہم نے سُنا کہ حضور پاک صَلَّی اللّٰہُ عَلَیْہِ وَاٰلِہٖ وَسَلَّم نے خاتونِ جنت رَضِیَ اللّٰہُ عَنْہا   کی طرف سے دیئے کئے کنگن اصحابِ صُفّہ  پر خرچ فرمادئیےاللہ پاک کے پیارے رسول ، بی بی آمنہ کے پھول   صَلَّی اللہ عَلَیْہِ وَاٰلِہٖ وَسَلَّم   نے اپنے اس مبارک عمل سے ہمیں یہ درس دیا کہ دینی طالب علموںپر اپنا  مال خرچ کرنا