ميں    گنہگار    گناہوں کے   سوا     کيا     لاتا

نيکياں ہوتی ہیں سرکار    نِکوکار کے  پاس

نفلي روزن جون به ڇا نه خوب بهارون آهن هن ضِمن ۾ ٻه مبارڪ حديثون ملاحظه فرمايو،

(1) فِـرشتا ڪڏهن دعاءِ مَغفِرت ڪندا آهن؟

    حضرت سيّدَتُنا اُمِّ عَمَّارَه  رَضِىَ اللهُ عَنْها فرمائن ٿيون: حُضُور پاڪ، صاحبِ لولاڪ، سَيَّاحِ اَفلاڪ صَلَّى اللهُ عَلَيْهِ وَاٰلِهٖ وَسَلَّم مون وٽ تشريف وٺي آيا ته مون پاڻ صَلَّى اللهُ عَلَيْهِ وَاٰلِهٖ وَسَلَّم جي خدمت بابرڪت ۾ کاڌو پيش ڪيو ته ارشاد فرمايائون: ”تون به کاءُ“ مون عرض ڪيو: ”مان روزي سان آهيان“ ته رحمتِ عالم صَلَّى اللهُ عَلَيْهِ وَاٰلِهٖ وَسَلَّم فرمايو: ”جيستائين روزيدار جي سامهون کاڌو کاڌو ويندو آهـي فِرشتا ان روزيدار جي لاءِ دعاءِ مَغفِرت ڪندا رهندا آهن.“   (سنن ترمذي ج 2 ص 205 حديث 785)

 (2) روزيدار جون هڏيون ڪڏهن تسبيح ڪنديون آهن

      حضرت سيّدنا بلال رَضِىَ اللهُ عَنْهُ نبيِّ اَڪرم، رحمتِ عالم، نُورِ مُجسم، شاھِ بني آدم، رسولِ مُحۡتَشَم صَلَّى اللهُ عَلَيْهِ وَاٰلِهٖ وَسَلَّم جي خدمتِ مُعَظم ۾ حاضر ٿيا، ان وقت حُضُور پُر نُور، شافعِ يومُ النُّشور صَلَّى اللهُ عَلَيْهِ وَاٰلِهٖ وَسَلَّم ناشتو ڪري رهيا هئا، فرمايائون: اي بلال! ناشتو ڪريو، عرض ڪيائون: يارسول الله  صَلَّى اللهُ عَلَيْهِ وَاٰلِهٖ وَسَلَّم! مان روزيدار آهيان، ته رسول الله  صَلَّى اللهُ تَعَالٰى عَلَيْهِ وَاٰلِهٖ وَسَلَّم فرمايو: اسان پنهنجي روزي کائي رهيا آهيون ۽ بلال جو رزق جنّت ۾ وڌي رهيو آهي. اي بلال! ڇا توکي خبر آهي ته جيستائين  روزيدار  جي  سامهون  ڪجھه کاڌو  وڃي  تيستائين  انهي جون هڏيون  تسبيح  ڪنديون  آهن،  ان  کي  فرشتا  دعائون  ڏيندا  آهن . (شعب الايمان ج 3 ص 297 حديث 3586)