په ما هغه دے ګران چې ئې تاسو په چا ګران   هغه زمونږه خوښ دے چې ئې تاسو د چا خوښ

     نو حضرتِ ابوبكر صِدِّيق رَضِیَ الله عَنْهُ [د الله و رسول صَلَّى اللهُ عَلَيْهِ وَاٰلِهٖ وَسَلَّم د مَحبَّت په وجه] په دې موقع تَکَبُّر اونکړو بلکه سر ئې ښكته كړو ، نو هلته جبريلِ اَمين عَلَيْهِ السَّلام وحي راوړه او د خوږ نبـي صَلَّى اللهُ عَلَيْهِ وَاٰلِهٖ وَسَلَّم په خدمت كښې حاضر شو او عرض ئې اوكړو : يا رَسُولَ الله صَلَّى اللهُ عَلَيْهِ وَاٰلِهٖ وَسَلَّم! الله پاك تاسو ته سلام راليږلے دے او حكم ئې كړے دے : چې هغه يهودي كوم چې د حضرت ابوبكر صِدِّيق رَضِیَ الله عَنْهُ سره محبت کوي ، هغه را اُوبلئ او زيرے وركړئ چې د هغه په زړه كښې د حضرت ابوبكر صِدِّيق رَضِیَ الله عَنْهُ محبت دے ، نو الله پاک د دغې محبت په بركت هغه ته د جَهَنَّم د دوو مصيبتونو نه خلاصے وركوي : (1) نه به د هغه په ښپو كښې زنځيرونه اچولے كيږي ، (2) او نه به ئې په څټ كښې زنځير اچولے كيږي.

     خوږ آقا صَلَّى اللهُ عَلَيْهِ وَاٰلِهٖ وَسَلَّم فوراً هغه يهودي را اوبللو او د الله پاك پيغام ئې ورته واورولو ، يهودي چې دا پيغام واوريدو نو زړه ئې روښانه شو ، په ډيره خوشحالئ ئې آسمان طرف ته اوكتل او دا کلمه ئې اولوستله : اَشْہَدُ اَن لَّا اِلٰہَ اِلَّا اللہُ وَاَنَّکَ مُحَمَّدٌ رَّسُوْلُ اللہِ حَقّاً  زه ګواهي وركووم چې د الله نه سوا بل څوك د عبادت لائق نشته او تاسو مُحَمَّد (صَلَّى اللهُ عَلَيْهِ وَاٰلِهٖ وَسَلَّم) د الله رښتينے رسول ئې.

     الله الله! لږ ساعت مخكښې كوم کس چې يهودي وو ، اوس د هغه په ژوند كښې انقلاب راغلو ، هغه د خپل نِيَّت اظهار اوكړو چې خپل را روان ژوند به څنګه تيرووم؟ ، هغه اُووئيل : يا رَسُولَ الله صَلَّى اللهُ عَلَيْهِ وَاٰلِهٖ وَسَلَّم! په هغه ذات مې دِ قَسَم وي چا چې تاسو رښتينے رسول راليږلے ئې ، زه به په خپل ژوند كښې د ابوبكر رَضِىَ اللهُ عَـنْهُ  محبت په خپل