بھیجنا غلام آزاد کرنے سے اَفْضَل ہے۔ ^([1]) 

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

بیان سننے کی نیتیں :

 “ مُعْجَمِ کَبِیْر “ کی حدیث ہے : نِیَّۃُ الْمُؤْمِنِ خَیْرٌ مِّنْ عَمَلِہٖ مومن کی نیت اس کے عمل سے بہتر ہے۔ ^([2]) یاد رکھئے! جتنی اچھی اچھی نیتیں زیادہ ہوں ، ثواب بھی زیادہ ملتا ہے۔ بیان سننے سے پہلے اچھی اچھی نیتیں کر لیجئے! مثلاً * عِلْمِ دین سیکھنے کی نیت کر لیجئے* خوب توجہ سے بیان سننے کی نیت کیجئے * بیان کے دوران اِنْ شَآءَ اللہ! قرآنی آیات اور اَحادیث پڑھی جائیں گی ، انہیں سننے کی نیت کر لیجئے * اِنْ شَآءَ اللہ! نیک لوگوں کا ذِکْر ہو گا اور نیک لوگوں کے ذِکْر کے وقت رحمت اُترتی ہیں ، یہ رَحْمَت حاصِل کرنے کی نیت کر لیجئے۔ اس کے علاوہ بھی جو اچھی نیت بَن پڑے ، کرنے کی سَعَادت حاصِل کر لیجئے۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

پیارے اسلامی بھائیو! بیان کا موضوع ہے : “ صدیقِ اکبر  رَضِیَ اللہُ عَنْہ  کی ذہانت “ مسلمانوں کے پہلے خلیفہ ، عاشق رسول ، عاشقِ اَکْبَر ، اَمِیْرُ الْمُؤْمِنِیْن حضرت ابو بکر صدیق  رَضِیَ اللہُ عَنْہ  بہت بلند رُتبہ ہستی ہیں ، اللہ پاک نے آپ کو بڑے اَعْلیٰ اَوْصاف وکمالات عطا فرمائے تھے ، آپ کا ایک بہت اعلیٰ وَصْف ہے : ذہانت۔ آج ہم ان شآء اللہ! صدیقِ اکبر  رَضِیَ اللہُ عَنْہ  کی ذہانت کی حکایات سُننے اور ان سے دَرْس حاصِل کرنے کی سَعادت حاصِل کریں گے اَور آخر میں حضرت صدیق اکبر  رَضِیَ اللہُ عَنْہ  سے فیض لے کر ہم اپنے اندر ذہانت کا وَصْف کیسے پیدا کر