نه وے راکړے نو ما چرته عبادت کولے شو ، څومره خلق داسې دي چې د جُمات په طرف هُم نه ورځي او الله پاک ما ته خپلې بارګاه ته د حاضرئ توفيق راکوي نو په دې کښې زما هيڅ کمال نشته بلکه دا ټول صرف د الله پاک په توفيق دي او د هغه جَلَّ شَانہٗ احسان او فضل و کرم دے.

      چې کله بنده په دې ټولو کنډوونو واوړي نو بيا د شُکر مرحله راشي چې بنده دِ د الله پاک شُکر ادا کړي ، د هغه حَمْد [ثناء صفت] دِ اُووائي ځکه چې ناشُکري بنده تباه او برباد کوي ، لکه بَلعَم بِن باعُورا څومره لوئ عبادت ګُزار وو ، څنګه لوئ عالِم وو چې په زمکه ناست به ئې د لَوحِ مَحفُوظ ليک لوستلو ، دُعاګانې به ئې قبليدلې خو هغه چې ناشُکري اوکړه نو د ناشکرئ د سزا په نتيجه کښې د دُنيا نه کافِر لاړو او د هميشه هميشه د پاره د جَهنَّم خشاک جوړ شو.

      نو اے د جَنَّت طلبګارو!! عبادتونه هُم کوئ ، نيک اعمال هُم کوئ ، نيک انسان هُم جوړ شئ خو ناشُکري مه کوئ او د خپل ربّ تعالٰى شُکر ادا کول هيڅ کله هُم مه هيروئ. الله پاک دِ مونږ ټولو ته د نيک جوړيدلو او نورو ته د نيکئ د دعوت ورکولو توفيق رانصيب کړي. اٰمِين بِجَاهِ النَّبِىِّ الْاَمِين  صَلَّى اللهُ عَلَيْهِ وَاٰلِهٖ وَسَلَّم. 

دولسو ديني کارونو کښې يو دِيني کار : نيک اَعمال

      خوږو او مُحترمو اسلامي ورونړو! دې د فساد ډک دَور کښې اميرِ اَهلِسُنَّت بانیِ دعوتِ اسلامی حضرت علامه مولانامحمدالیاس عطارقادری رَضَوِي دَامَتْ بَرَکاتُہُمُ الْعَالِیَه د امام غزالي رَحْمَةُ اللهِ عَلَيْه فيضان ډير عام کړے دے ، هغوئي دَامَتْ بَرَکاتُہُمُ الْعَالِیَه اما غزالي رَحْمَةُ اللهِ عَلَيْه سره ډير مَحبَّت لري ، د هغوئي د کتابونو مطالَعه کوي او په هغې عمل کوي او نورو ته هُم د هغوئي د کتابونو لوستلو او په هغې د عمل کولو درس ورکوي. اَلْحَمْدُ لِلّٰه د اميرِ اَهلِسُنَّت دَامَتْ بَرَکاتُہُمُ الْعَالِیَه په