ابوبکر صدیق  رَضِیَ اللّٰہُ عَنْہُ   ہی ہیں جو مجھ سے نیکیوں میں سَبقت لے جاتے ہیں۔ ^([1])   

صَلُّوْا عَلَی الْحَبِیْب!                                           صَلَّی اللّٰہُ عَلٰی مُحَمّد

                             پیارے پیارےاسلامی بھائیو!آپ نے سُنا کہ اَمیرُ المؤمنین ، خَلیفۃُ الْمُسْلِمِیْن حضرت سَیِّدُنا صدیقِ اکبر  رَضِیَ اللّٰہُ عَنْہُ   باوجود خلیفۂ وقت ہونے کے اُس نابینا بڑھیا کے گھر کے کام کاج خود اپنے مُبارَک ہاتھوں سے سر انجام دیتے تھے۔ یہ بھی معلوم ہوا! اَمیرُالمؤمنین حضرت سَیِّدُنا صدیق ِ اکبر  رَضِیَ اللّٰہُ عَنْہُ  اس بات کو بالکل بھی پسند نہ فرماتے تھے کہ   کوئی دوسرا  ان کے عمل سے باخبر ہو کر ان کی تعریف کرے ، جبھی تو  رات کے اندھیرے میں پوشیدہ طور پر  اُس نابینا  بڑھیا کے گھر کا کام کاج کر دیا کرتے تھے۔ اَمیرُالمؤمنین حضرتِ سَیِّدُنا صدیق ِ اکبر  رَضِیَ اللّٰہُ عَنْہُ  کےاپنے نیکعمل کو چُھپانے کے جذبے پرکروڑوں سلام ہوں۔ اِس واقعے میں امیرالمؤمنین حضرتِ سَیِّدُنا صدیق ِ اکبر  رَضِیَ اللّٰہُ عَنْہُ  کی عاجزی و اِنکساری بھی اپنی مثال آپ ہے۔ اس واقعے میں امیر المؤمنین حضرتِ سَیِّدُنا صدیق ِاکبر  رَضِیَ اللّٰہُ عَنْہُ  کی اُمّتِ مصطفےٰ سے خیرخواہی کی بھی کتنی پیاری جھلک ہے۔ اس واقعے میں امیرالمؤمنین حضرتِ سَیِّدُنا صدیق ِاکبر رَضِیَ اللّٰہُ عَنْہُ  کی غریبوں سے محبت بھی بے مثال ہے اور آپ رَضِیَ اللّٰہُ  عَنْہُ کے سینے میں نیکیوں میں سبقت لے جانے کاکیساسچا جذبہ موجود تھا۔ اے کاش!امیرالمؤمنین حضرتِ سَیِّدُنا صدیق ِاکبر رَضِیَ اللّٰہُ عَنْہُ  کی ان ساری عظیم خصوصیات میں سے ہمیں بھی حصہ نصیب ہوجائے۔ اٰمِیْنْ بِجَاہِ النَّبِیِّ الْکَرِیْم  صَلَّی اللّٰہُ عَلَیْہِ وَاٰلِہٖ وَسَلَّم