اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                                                                    وَعَلٰی اٰلِكَ وَ اَصْحٰبِكَ یَا نُوْرَ اللہ

نَـوَیْتُ سُنَّتَ الاعْتِکَاف  (ترجَمہ : میں نے سنّتِ اعتکاف کی نیّت کی)

پیارے اسلامی بھائیو!جب بھی مسجد میں حاضری کی سَعَادَت ملے تو اِعْتِکَاف کی نیت کرلیا کریں تاکہ اِعْتِکَاف کا ثواب بھی ملتا رہے اور ضرورت پڑنے پر کھانا ، پینا اور سونا وغیرہ بھی جائز ہوجائے۔ مگر یہاں یہ بات بھی ذہن نشیں کرلیجیے کہ اِعْتِکَاف کی نیت کھانے ، پینے یا سونے کے لیے نہ ہو بلکہ اس سے مقصود صرف اللہ کریم کی رِضا ہو۔ “ فتاویٰ شامی “ میں ہے : اگرکوئی مسجد میں کھانا ، پینا ، سونا چاہے تو اِعْتِکاف کی نِیَّت کرلے ، کچھ دیر ذِکْرُاللہ کرے ، پھر جو چاہے کرے(یعنی اب چاہے تو کھا پی یا    سو سکتا ہے)۔ اگر ممکن ہو تو اعتکاف کی نیت کر کے 12مرتبہ دُرُودِ پاک پڑھ لیجئے یا اور کوئی نیک کام کر لیجئے۔ اِنْ شَآءَ اللہ ثواب بھی بڑھ جائے گا اور ساتھ ہی ساتھ مسجد میں کھانا ، پینا اور سونا وغیرہ بھی جائز ہو جائے گا۔

دُرُود شریف کی فضیلت

حضرتِ  محمد بن عبداللہ خیام سمر قندی رَحْمَۃُ اللّٰہ عَلَیْہ فرماتے ہیں : میں ایک روز راستہ بھول گیا ، اچانک ایک صاحب نظر آئے اورمجھے اپنے ساتھ لے لیا۔ مجھے گمان ہواشاید یہ حضرتِ خِضْر عَلَیْہِ السَّلَام ہیں۔ میں نے پوچھا تو اُنہوں نے اپنا نام خضر بتایا ،