کوئی نصیحت کرنے والا گویاہمیں خوابِِ غفلت سے جگارہاہوتاہے کہ ہم گناہوں کی دلدل میں گِرتے چلے جارہے ہیں اوروہ ہمیں یہ کہہ رہاہے کہ ابھی سنبھل جاؤ ، یہی وقت ہے توبہ کرنے کا ، یہی وقت ہے گناہوں سے منہ موڑ کراللہ پاک کی فرمانبرداری میں  زندگی گزارنے کا۔

                             اے کاش! ہم ایسے خاموش پیغامات کوسنجیدہ لیتے ہوئے حقیقی طور پرگناہوں کی دلدل سے نکلنے میں کامیاب ہو جائیں ، آئیے!اللہ پاک کی بارگاہ میں دُعا کرتے ہیں :

ہماری بِگڑی ہوئی عادتیں نکل جائیں    مِلے گناہوں کے امراض سے شفا یا رب

رہیں بھلائی کی راہوں میں گامزن ہر دم             کریں نہ رُخ مِرے پاؤں گناہ کا یا رب^([1])

صَلُّوْا عَلَی الْحَبِیْب!                                                                                      صَلَّی اللّٰہُ  عَلٰی مُحَمَّد

               پیارے اسلامی بھائیو!فی زمانہ  شیطانی وسوسوں سے بچنے ، ایمان کی سلامتی ، نیکیوں پر استقامت پانے ، پابندِ سُنّت بننے ، گناہوں سے  سچی نفرت   کرنے ، ایمان  کی حفاظت کا جذبہ اپنے اندر بیدار کرنےاورتوبہ پرثابت قدمی پانے کے لئے  نیک لوگوں کی صحبت اختیارکرنا بہت ضروری ہے ،   کیونکہ  نیک لوگوں کی صحبت میں بیٹھنے  سےگناہوں سے نفرت  اور نیکیاں  کرنے کا  ذہن بنتا  ہے۔ الحمدللہ  عاشقانِ رسول کی دینی تحریک  دعوتِ اسلامی کا دینی    ماحول کسی نعمت سے کم نہیں ،  اگرہم چاہتے ہیں  کہ نیک بن کر ایمان کی حفاظت کرنے والے بن جائیں توآج ہی دعوتِ اسلامی کے دینی ماحول سے وابستہ ہوکرامیر اہلسنّت  دَامَتْ بَرَکاتُہُمُ الْعَالِیَہ   کے دامنِ کرم سے وابستہ ہوجائیے اور سُنّتوں کی دُھومیں مچانے کے لئے 12دینی کاموں میں بڑھ چڑھ کر حصہ لیجئے۔