حضرت سَيِّدُنا اَنَس بِن مالِك رَضِیَ الله عَنْه بيانوي چې نبـي كريم صَلَّى اللهُ عَلَيْهِ وَاٰلِهٖ وَسَلَّم ارشاد فرمائي: چا چې درې ځله د الله پاك نه د جنَّت سُوال اوكړو نو جنَّت دُعا كوي چې يا الله! دا جنَّت ته داخل كړې او څوک چې درې ځله د دوزخ نه پناه اوغواړي نو دوزخ دُعا كوي يا الله! دے د اور نه پناه کښي اوساتې. ^[1]

    په قرآنِ پاك كښې هم د جنَّت نِعمتونه بيان شوي دي: په سيپاره 27 سورۀ رحمٰن آيت نمبر 56 نه 58 پورې ارشاد دے:

فِیْهِنَّ قٰصِرٰتُ الطَّرْفِۙ-لَمْ یَطْمِثْهُنَّ اِنْسٌ قَبْلَهُمْ وَ لَا جَآنٌّۚ(۵۶) فَبِاَیِّ اٰلَآءِ رَبِّكُمَا تُكَذِّبٰنِۚ(۵۷) كَاَنَّهُنَّ الْیَاقُوْتُ وَ الْمَرْجَانُۚ(۵۸)  (پ۲۷،الرحمن:۵۶تا۵۸)                                               

[مَفهُوم] ترجمهٴ كنزُالاِيمان :  په هغه پالنګونو باندې هغه ښځې دي چې د خاوند نه سِوا چا ته يو نظر هُم نه ګوري د هغوئي نه مخكښې يو سړي او يو پيري هُم هغو ته لاس نه دے لګولے، نو د خپل ربّ كوم كوم نعمت به دروغ ګنړئ، لکه هغه چې ياقوت او مرجان وي.

     په تفسير صراطُ الجِنان كښې دي د هغې مفهوم څه داسې دے: په جنتـي محلونو كښې به د جنتـي سړو د پاره داسې پاكې بيبيانې وي چې هغوئي به د خپل خاوند نه علاوه بل چا ته هډو ګوري نه او په هغوئي كښې به هره يوه خپل خاوند ته وائي: زما دِ د رَبِّ کريم په عِزَّت و جلال قَسم وي! په جنت كښې ما ته يو څيز هُم ستا نه زيات ښه نه ښکاري، د هغه خدائے پاك حَمْد [ثنا صِفَت] دے چا چې ته زما خاوند جوړ كړے ئې او زه ئې ستا ښځه جوړه كړي يم. او هغه بيبيانې حُورِ عِين دي چې هغوئي په جنت كښې پيدا كړے شوي دي، ځکه هغوئي ته د هغوئي جنتيانو خاوندانو نه علاوه يو سړي يا يو پيري لاس نه دے لګولے. د بعضو مُفَسِّرينو په نِزد د بيبيانو نه