فرمائيلي دي: په جَنَّت كښې سل (100) درجے دي، هرو دوو درجو كښې د آسمان  او زمكې هُمره فاصله ده او فردوس د ټولو نه اوچته درجه ده. هُم هغې نه د جَنَّت څلور دريابونه بهيږي او د هغې د پاسه عرش دے، لِهٰذا چې كله تاسو د الله پاك نه سُوال كوئ نو د فِردوس سُوال كوئ.^[1]

صَـــلُّـــوْا  عَـــلَـی   الْــحَـــبِــيْــب!                    صَـلَّـی اللهُ   عَلـٰی   مُـحَـمَّد

جَنَّتُ الفِـردوس د چا د پاره دے؟

      په حديثِ مباركه كښې د خپل ربّ كريم نه د جَنَّتُ الفِردوس غوښتلو ارشاد شوے دے چې د خپل ربّ نه جَنَّتُ الفِردوس اوغواړئ، دا د ټولو نه اعلٰى جَنَّت دے او دا د چا د پاره دے،

      په سيپاره 16 سورۀ كهف آيت نمبر 107 كښې ارشاد دے:

اِنَّ الَّذِیْنَ اٰمَنُوْا وَ عَمِلُوا الصّٰلِحٰتِ كَانَتْ لَهُمْ جَنّٰتُ الْفِرْدَوْسِ نُزُلًاۙ(۱۰۷) خٰلِدِیْنَ فِیْهَا لَا یَبْغُوْنَ عَنْهَا حِوَلًا(۱۰۸)

(پ۱۶،الکھف:۱۰۷تا۱۰۸)

[مَفهُوم] ترجمهٴ كنزُالاِيمان :  بيشكه هغوئي چا چې اِيمان راوړے دے او نيك کارونه ئې كړي دي، د فردوس باغونه د هغوئي د پاره ميلمستيا ده. هغوئي به هميشه په هغې كښې اوسيږي د هغې نه به ځائے بدلول نه غواړي.

          په تفسیر صِراطُ الْجِنان كښې دي: په دُنيا كښې په الله پاك اِيمان راوړولو والؤ او د هغه د رضا د پاره ښه اعمال كوونكو د پاره الله پاك د ميلمستيا اِنتِظام په جَنَّتُ