خوږو او مُحترمو اسلامي ورونړو! نن زمونږ د اجتماع  د بیان موضوع ده ”د جنت د ټولو نه لوئي نعمت “ په دې بيان كښې به مونږ اورو چې د جنت تياري څنګه كيدے شي؟ د جنت د ټولو نه لوئي نِعمت كوم يو دے؟ د يو څو جنتـي نعمتونو بيان، د جنت د درجو شمير، د جنت د ټولو نه لوئي نِعمت، جنت ته بوتلونكي اعمال، د دې نه علاوه به د الله پاك د عظيم نِعمَت ”جنت“ مُتَعَلِّق ډير اهم معلومات د اوريدلو سعادت حاصلوو. په ډيره توجه او د زړه په حاضرئ سره پورا بيان د اوريدلو كوشش اوكړئ، اِنْ شَـآءَ الـلّٰـه د ډيرو معلوماتو خزانه به په لاس درشي.

      الله پاک دِ په خپل فضل و کرم مونږ ټولو ته د نعمتونو او راحتونو والا کور جَنَّت کښي ځائے رانصيب کړي۔

صَـــلُّـــوْا  عَـــلَـی   الْــحَـــبِــيْــب!                    صَـلَّـی اللهُ   عَلـٰی   مُـحَـمَّد

     خوږو او محترمو اسلامي ورونړو! راځـئ چې د ټولو نه اوَّل د جنتـي نعمتونو په باره كښې واورو:

د كمې درجے والا جنتـي

د حضرت سَيِّدُنا مُغِيره بِن شُعبه رَضِیَ الله عَنْه نه روايت دے چې سركارِ مدينه صَلَّى اللهُ عَلَيْهِ وَاٰلِهٖ وَسَلَّم فرمائيلي دي: حضرت سَيِّدُنا موسٰـى كليمُ الله عَلَيْهِ السَّلام چې كله د خپل ربّ نه د ټولو نه كمې درجے والا جنتـي په باره كښې تپوس اوكړو چې د هغه منزل به څومره غټ وي؟ نو الله پاك اوفرمائيل: هغه كس به د جنتيانو جنت ته د داخليدلو نه پس راځي نو هغه ته به اووئيل شي چې ”جنت ته داخل شه“. هغه به عرض اوكړي: اے ربه! زه څنګه داخل شم؟ حالانكه خلق خپلو محلونو ته تلي دي او هغوئي په خپلو مرتبو او مقامونو قبضه كړي ده. الله پاك به هغه ته اوفرمائي: آيا ته په دې راضي ئې