يو دَم محراب اوشليدو او د هغې نه يوه ډيره ښکلي حُوره را اُووتله، هغې اُووئيل چې تا ته به په جَنَّت کښې زما په شان سل حُورې عنايت کيږي، چې په هغې کښې به د هرې يوے سل سل خادِمې او د هرې خادِمې سل سل وينزې وي اوپه هره وينزه به سل سل ناظِمانې (يعني انتظام کوونکي) وي. دا ئې چې واوريدل نو هغه بُزُرګ د خوشحالئ نه تاو شو او تپوس ئې ترينه اوکړو: آيا چا ته به په جَنَّت کښې زما نه زيات هُم ورکولے کيږي؟ جواب ئې ورکړو: دومره خو به هر هغه عام جَنَّتي ته هُم ملاويږي څوک چې سحر او ماښام اَسْتَغْفِرُاللّٰہَ الْعَظِیْم وائي. ^[1]     

     اے د جنَّت طلبګارو عاشقانِ رسول! تاسو اوليدل! هر هغه كس چې سحر او ماښام اِسْتِغْفَار لولي هغه ته به جنتـي حورې مِلاويږي. هُم دغسې جنَّت ته داخليدلو او هلته د اعلٰى مرتبو حاصلولو ذريعه جوړيدونكو اعمالو كښې يو عمل سلام عام كول او په خلقو طعام خوړل هم دي، چنانچه فرمانِ مُصطفٰى صَلَّى اللهُ عَلَيْهِ وَاٰلِهٖ وَسَلَّم دے: سلام عام كړئ او په خلقو طعام خورئ جنَّت ته به داخِل شئ.“^[2] 

صَـــلُّـــوْا  عَـــلَـی   الْــحَـــبِــيْــب!                    صَـلَّـی اللهُ   عَلـٰی   مُـحَـمَّد

     دغسې نيكئ زياتولو او د آخرت ثواب ګټلو د پاره د قرآنِ مجيد د تلاوت عادت جوړول هم پكار دي، قرآنِ كريم د حافظانو سره سره قرآنِ كريم په تجويد او ترتيل (يعني د زبر، زِير پيښ لحاظ ساتلو او واضحه الفاظو او په قلاره قلاره ادا كولو) سره په كتلو لوستلو والؤ، حلالو ته حلال ګنرلو والؤ (يعني د قرآنِ كريم په احكاماتو عمل كولو والؤ) د پاره هم حديثِ پاك كښې د جنَّت د اعلٰى مرتبو حاصلولو زيرے دے.