د ديدار نه مُشَرَّفه كيږي. چې كله جنتيان جنت ته لاړ شي نو الله پاك به هغوئي ته اوفرمائي: ”نور څه غواړئ چې در ئې كړم.“ عرض به اوكړي: تا زمونږه مخونه روښانه كړل، جنت ته دِ داخل كړو، د دوزخ نه دِ خلاصے راكړو، هغه وخت کومه پرده چې په مخلوق وه، اوچته به كړے شي نو د الله پاك د ديدار نه زيات بهترين به بل يو څيز هُم هغوئي ته نه وي مِلاو شوے. ^[1]

صَـــلُّـــوْا  عَـــلَـی   الْــحَـــبِــيْــب!                    صَـلَّـی اللهُ   عَلـٰی   مُـحَـمَّد

     خوږو او محترمو اسلامي ورونړو! تاسو د جنت د نِعمتونو ذِكر واوريدلو چې الله پاك د خپلو بندګانو د پاره څومره عظيمُ الشان نعمتونه پيدا كړي دي. الله پاك دِ زمونږ خاتمه په اِيمان اوكړي او مونږ ته دِ هم د دغه نعمتونو نه حصه راعطا كړي، د كوم جنت چې دا نِعمتونه دي راځئ چې د هغې قِسمونه واورو چې جنتونه څو دي:

د اَتو [8] جنتونو نومونه

     د حضرت سَيِّدُنا عبدُالله بِن عباس رَضِیَ الله عَنْهما نه روايت دے چې جنتونه اته 8 دي او د هغې نومونه دا دي: (1) دارُ الْجلال (2) دارُ الْقرار (3) دارُ السَّلام (4) جَنَّتِ عَدْن (5) جَنَّتِ مَأوٰى (6) جَنَّتِ خُلد (7) جنَّتُ الْفِردَوس (8) جَنَّتِ نَعِيم. ^[2] 

جنتِ عدن او د هغې نِعمتونه

       الله پاك جَنَّتِ عدن په خپل دستِ قدرت پيدا كړے دے، د هغې يوه خښته د سپينې ملغلرې، يوه د سُور ياقوت او يوه د شين زَبرجَد ده، خټه ئې د مُشكو ده، د هغې