او مجبوره ئې کړې چې ته داسې خبرې اوکړې او زما د مجلِس عِزَّت اونکړې۔ اَعرابي اُووئيل : په لات او عُزّیٰ (بُتانو) مې دِ قَسَم وي! زه به په تاسو هله ايمان راوړم چې زما دا سَمسَره په تاسو ايمان راوړي۔ دا ئې اُووئيل او سَمسَره ئې د لِستونړي نه را اُووِيستله او د حُضُور صَلَّى اللهُ عَلَيْهِ وَاٰلِهٖ وَسَلَّم مخې ته ئې کيښودله۔ خوږ آقا صَلَّى اللهُ عَلَيْهِ وَاٰلِهٖ وَسَلَّم سَمسَرے ته آواز اوکړو نو هغې په ډير زيات ادب عرض اوکړو : لَبَّیْکَ وَسَعْدَیْکَ يعني يا رَسُولَ الله صَلَّى اللهُ عَلَيْهِ وَاٰلِهٖ وَسَلَّم! زه حاضره يم او زه په دې حاضرئ باندې ډير فخر لرم۔ ټولو حاضرو خلقو د هغې خبره واوريدله او پرې پوهه شو۔ بيا ترينه خوږ نبي صَلَّى اللهُ عَلَيْهِ وَاٰلِهٖ وَسَلَّم تپوس اوکړلو : ستا معبُود څوک دے؟ هغې عرض اوکړو : زما معبُود هغه دے د چا عرش چې په آسمان کښې دے او هُم د هغه بادشاهي په زمکه هُم ده ، د هغه رحمت په جَنَّت کښي دے او د هغه عذاب په جَهنَّم کښې دے۔ بيا ترينه خوږ مُصطَفىٰ صَلَّى اللهُ عَلَيْهِ وَاٰلِهٖ وَسَلَّم تپوس اوکړلو : اے سَمسَرے دا اُووايه چې زه څوک يم؟ هغې په اوچت آواز کښي اُووئيل : اَنْتَ رَسُوْلُ رَبِّ الْعَالَمِيْنَ ، وَخَاتَمُ النَّبِيِّيْنَ  يعني تاسو د ټولو جهانونو د ربّ رَسُول او آخري نبي ئې ، وَقَدْ خَابَ مَنْ کَذَّبَکَ او چا چې تاسو دروغ اوګنړلئ هغه نامُراده شو۔ دا منظر ئې چې اوليدلو نو هغه اَعرابي دومره متاثره شو چې فوراً ئې کلمه اُووئيله او مسلمان شو او عرض ئې اوکړو : يا رَسُولَ الله صَلَّى اللهُ عَلَيْهِ وَاٰلِهٖ وَسَلَّم زه چې کله راغلم نو زما په نظر کښي د زمکې په سر باندې ستاسو نه زيات بل څوک ناخوښه سړے نه وو خو اوس زما دا حال دے چې تاسو زما په