وَسَلَّم په خدمت کښي څه نذرانه اُو نه ليږو؟ ما عرض اوکړو : جي بالکل! داسې ضرور اوکړئ۔ نو زما مور کجورې ، غوړي او پنير واخستل او حلوه ئې پخه کړه ، بيا ئې هغه په يو لوښي کښې واچوله او اوئې فرمائي : اے اَنَس! دا لوښے زما د آقا ، رسولِ خُدا صَلَّى اللهُ عَلَيْهِ وَاٰلِهٖ وَسَلَّم دربار ته يوسه او عرض اوکړه چې يا رَسُولَ الله صَلَّى اللهُ عَلَيْهِ وَاٰلِهٖ وَسَلَّم! دا زما مور راليږلي ده ، هغې ستاسو په خدمت کښي سلام پيش کړے دے او عرض ئې کړے دے چې دا معمولي شان تُحفه زمونږ له طرفه قبوله کړئ۔ [حضرت اَنَس رَضِىَ اللهُ  عَـنْهُ] فرمائي : زه د حضور صَلَّى اللهُ عَلَيْهِ وَاٰلِهٖ وَسَلَّم په دربار کښې حاضر شوم او څه مې چې والِده فرمائيلي وو هُم هغسې عرض مې اوکړو ، نو حُضُور صَلَّى اللهُ عَلَيْهِ وَاٰلِهٖ وَسَلَّم اُوفرمائيل : دا کيږده۔ بيا ئې اُوفرمائيل : لاړ شه او فلانکے فلانکے را اُوغواړه او د دې نه علاوه چې څوک هُم تا سره په لاره کښي ميلاو شي هغوئي ته هُم دعوت ورکړه۔ زه اُووتلم او د کوم کوم کس چې هغوئي صَلَّى اللهُ عَلَيْهِ وَاٰلِهٖ وَسَلَّم نوم اخستے وو ، هغوئي ته مې دعوت ورکړو او څوک چې را ته په لاره کښي ميلاويدل هغوئي ته مې هُم دعوت ورکولو۔ چې کله کور ته بيرته راغلم نو څه ګورم چې کور د صحابۀ كرامو نه ډک دے۔ دلته د حضرت انس رَضِىَ اللهُ  عَـنْهُ نه تپوس اوکړے شو چې ستاسو د ټولو شمير څومره وو؟ هغوئي اُوفرمائيل : درې سوه (300)۔ فرمائي چې بيا ما اوليدل چې سرکارِ دوعالَم صَلَّى اللهُ عَلَيْهِ وَاٰلِهٖ وَسَلَّم خپل لاس مبارک په هغه حلوه کيښودلو او څه چې الله پاک اوغوښتل هغوئي صَلَّى اللهُ عَلَيْهِ وَاٰلِهٖ وَسَلَّم هغه اُولوستل۔ بيا خوږ نبي صَلَّى اللهُ عَلَيْهِ وَاٰلِهٖ وَسَلَّم لس لس کسان راغوښتل شروع کړل۔ هغوئي به د هغه