وَسَلَّم کلمہ پڑھائیں اور اپنے قدموں میں اس کو سُلائیں۔ یا اللہ! یہ دعاہر اُس اسلامی بہن کے حق میں بھی قبول فرما کہ جو اپنے محرم کے ذریعے 1یونٹ بھجوادے ، یا کسی طرح بھی جمع کروادے ،  سب کے حق میں قبول فرما۔ جوبیچارہ پلّے سے نہیں دے سکتا ، لیکن دوسروں کو تیار کرکے یہ دِلوادے ، اس کے حق میں بھی یہ دُعا قبول ہو۔

اٰمِیْن بِجَاہِ النَّبِیِّ الْاَمِیْن صَلَّی اللّٰہُ  عَلَیْہِ واٰلہٖ وَسَلَّم

پىارے اسلامى بھائىو!ہمارے پیارے آقا ، دوعالَم کے داتا صَلَّی اللہُ عَلَیْہِ وَاٰلِہٖ وَسَلَّمَ کا فرمانِ غیب نشان ہے : “ آخرِ زمانہ میں دِین کا کام بھی دِرہم ودِینار سے ہوگا۔ “ (المعجم الکبیر ، ۲۰ / ۲۷۹ ، حدیث : ۶۶۰ ، ملخصاً)آج کے دور کے جو تقاضے ہیں وہ کسی سے ڈَھکے چُھپے نہیں ہیں۔ اس لیے دِین کے کاموں میں اپنے صدقات (چندے / فنڈDonation) سے تعاون فرمائیں۔ اِنْ شَآءَ اللہ آپ کا دیا ہواصدقہ دنیا و آخرت میں کثیر فائدے کا باعث بنے گا۔

اِمامِ اہلسنّت ، مجدّدِدِین و ملّت امام احمدرضاخانرَحْمَۃُ اللہِ عَلَیْہ نے فتاویٰ رضویہ جلد23 ، صفحہ 152پرصدقہ کے فضائل پر احادیثِ طیبّہ سے حاصل شدہ جو فائدے ذکر کئے ہیں ، ان میں چندایک یہ بھی ہیں : * اللہ پاك  کے حکم سے (صدقہ دینے والے) بُری موت سے بچيں گے ، (صدقہ دینے والوں کے لیے) ستّر دروازے بُری موت کے بند ہوں گے۔ * ان (یعنی صدقہ دینے والوں)کی عُمريں زیادہ ہوں گی۔ *  (صدقہ دینے والوں کے پاس)رزق کی وُسعت ، مال کی کثرت ہوگی ، * (اورصدقہ دینے والے)صدقہ دینے کی عادت سے کبھی محتاج نہ ہوں گے۔ *  (صدقہ دینے والے)خير و برکت پائيں گے۔