عَلَيْهِ وَاٰلِهٖ وَسَلَّم په مار چيچلي ځائے باندې خپل لُعابِ دَهَن (يعني لاړې مباركې) پورې كړې نو فوراً درد ختم شو او زخم هُم ښه شولو. ^[1]

       دغسې د حضرت عَلِـىُّ الْمُرْتَضٰى رَضِىَ اللهُ  عَـنْهُ د سترګو بيمارئ د پاره لُعابِ دهن [يعني لاړې مبارکې] د سترګو شفاء جوړې شولې ، د حضرت رفاعه بن رافع رَضِىَ اللهُ  عَـنْهُ سترګه د جنګِ بدر په ورځ په تِیر اولګيدله او سترګه ئې اُووتله خو د حُضُورِ اکرم صَلَّى اللهُ عَلَيْهِ وَاٰلِهٖ وَسَلَّم په لُعابِ دهن داسې جوړ شولو چې درد ئې هُم ختم شو او د سترګې بينائي ئې هُم برقراره پاتې شوه.

      د حضرت ابو قَتاده رَضِىَ اللهُ  عَـنْهُ مخ په تير اولګيدلو نبـىِّ كريم  رَءُوْفٌ رَّحِيْم صَلَّى اللهُ عَلَيْهِ وَاٰلِهٖ وَسَلَّم پرې لُعابِ دَهَن اولګولو نو فوراً وِينه هُم بنده شوه او بيا ټول ژوند هغوئي کله په تِير او تُوره نه وو زخمي شوے.

      اے عاشقانِ رَسُول! حضور نبي کريم صَلَّى اللهُ عَلَيْهِ وَاٰلِهٖ وَسَلَّم ته الله پاک دومره مُعجزات ورکړي وو چې د هغې شمير تر اوسه پورې چا بيان نه کړے شو ، د نهمې صدئ هجرئ بزرګ حضرت علامه جلال الدین سُیُوطی رَحْمَةُ اللهِ عَلَيْه چې د 500 نه زيات کتابونه ئې تصنيف کړي دي ، هغوئي رَحْمَةُ اللهِ عَلَيْه د 20 کالو سخت کوشش نه پس د حضور صَلَّى اللهُ عَلَيْهِ وَاٰلِهٖ وَسَلَّم په خصائصو باندې کتابونه اوليکل چې په هغو کښي د حضور صَلَّى اللهُ عَلَيْهِ وَاٰلِهٖ وَسَلَّم د يو زرو (1000) نه زيات مُعجزات بيان شوي دي ، او دا ټول مُعجِزات نه دي بلکه د خوږ آقا صَلَّى اللهُ عَلَيْهِ وَاٰلِهٖ وَسَلَّم د مُعجزاتو نه څه مُعجِزات دي.

      خوږو او مُحترمو اسلامي ورونړو! د نبي کريم صَلَّى اللهُ عَلَيْهِ وَاٰلِهٖ وَسَلَّم شان ډير اوچت دے۔

      * د نبي کريم صَلَّى اللهُ عَلَيْهِ وَاٰلِهٖ وَسَلَّم د شان به څه وائې چې الله پاک هغوئي د ټولو نبيانو عَـلَـيْهِمُ السَّلَام نه مخكښې پيدا کړلو او د ټولو نه آخره کښې ئې دُنيا ته را اوليږلو.^[2]